Kompaniya
Qo'llab-quvvatlash
. UZS
. UZS
2026-yil 24-iyul kuni Centrum Air ajoyib sana — Sochi xalqaro aeroportiga muntazam parvozlar yo‘lga qo‘yilganiga roppa-rosa bir yil to‘lganini nishonladi. Shu davr mobaynida ikki tomon hamkorligi mustahkam strategik sheriklikka aylandi. Natijalar buning yaqqol isboti: 200 dan ortiq amalga oshirilgan reys va 30 mingdan ziyod tashilgan yo‘lovchi.
Sochi aeroportidagi faoliyatining ilk kunidan boshlab Centrum Air Rossiyaning mashhur kurort shahrini O‘zbekiston poytaxti Toshkent bilan bog‘ladi. Mazkur reyslar ikki davlat o‘rtasida qulay va ishonchli havo qatnovini ta’minlab, xizmat safarlari, sayohatlar hamda yaqinlar bilan uchrashuvlar uchun barqaror yo‘nalishga aylandi. Toshkent va Sochi o‘rtasidagi to‘g‘ridan to‘g‘ri aviaqatnov O‘zbekiston sayyohlariga Krasnodar o‘lkasining mashhur kurortlarini ziyorat qilish, rossiyalik mehmonlarga esa O‘zbekistonning boy madaniyati va tarixini yaqindan kashf etish imkonini yaratdi.
12 oylik hamkorlik yakunlari:
Toshkent va Sochi o‘rtasida 200 dan ortiq reys muvaffaqiyatli amalga oshirildi. Bu aviakompaniyaning yuqori operatsion ishonchliligi va qat’iy intizomini tasdiqlaydi.
30 mingdan ortiq yo‘lovchi Centrum Air xizmatlarini tanlab, o‘z vaqti, qulayligi va xavfsizliklarini bizga ishonib topshirdi.
Ikki davlat o‘rtasida turizm va biznes aloqalarini mustahkamlaydigan barqaror hamda qulay havo qatnovi yo‘lga qo‘yildi.
Centrum Air Sochi xalqaro aeroporti jamoasiga professional yondashuvi, ochiq hamkorligi va doimo yuqori darajadagi o‘zaro hamjihatligi uchun samimiy minnatdorlik bildiradi. Aeroportning yer usti xizmatlari jamoasi bilan uyg‘un va samarali hamkorlik tufayli reyslarning uzluksiz bajarilishi, xavfsizlik standartlariga rioya etilishi hamda yo‘lovchilarga yuqori sifatli xizmat ko‘rsatish ta’minlandi.
Sochi aeroporti bilan hamkorlik kelgusida yanada keng imkoniyatlar ochishiga va oldimizga qo‘yilgan yanada ulkan maqsadlarga erishishda mustahkam poydevor bo‘lishiga ishonamiz.
4-sentyabr kuni Centrum Air aviakompaniyasi Toshkent — Yekaterinburg yo‘nalishidagi ilk muntazam reysni amalga oshirib, tarixiy voqeani qayd etdi. Havo kemasining Yekaterinburg aeroportida suv arkasi va tantanali marosim bilan qarshi olinishi yangi xalqaro yo‘nalish ochilishining muhimligini tasdiqladi.O‘zbekiston poytaxti va Rossiyaning kattaligi bo‘yicha to‘rtinchi shahri, Uralning sanoat, biznes va madaniyat markazi o‘rtasida muntazam reyslarning yo‘lga qo‘yilishi biznesni rivojlantirish, madaniy almashinuvni mustahkamlash va turistik aloqalarni kengaytirish uchun yangi imkoniyatlar ochadi.Yekaterinburg boy madaniy merosi bilan sayyohlar va ishbilarmonlarni o‘ziga jalb qiladi: shaharda mashhur Ermitaj filiali, qiziqarli muzeylar va jahon darajasidagi teatrlar mavjud, shuningdek, muntazam ravishda yirik festival va ko‘rgazmalar o‘tkaziladi.• Uchish kuni: juma, haftasiga bir marta• Aviachipta narxi: bir tomonga 1,8 mln so‘mdan• Maxsus taklif: sayt va mobil ilovada bron qilinganda tarifdan 5% chegirmaAviachiptalar centrum-air.com rasmiy saytida va App Store hamda Google Play’dan yuklab olish mumkin bo‘lgan Centrum Air mobil ilovasida mavjud.
3 Sentabr, 2026
2026-yil 3-sentyabr kuni Centrum Air Toshkent va Ufa o‘rtasida to‘g‘ridan to‘g‘ri aviaqatnovlarni yo‘lga qo‘ydi. Ufa aeroportid ilk reysning tantanali marosim va bayramona tadbir bilan kutib olinishi O‘zbekiston poytaxti va Volgabo‘yining eng yirik madaniy markazlaridan biri o‘rtasidagi hamkorlikning yangi bosqichi boshlanganini ifodalaydi.Yangi yo‘nalish ikki mamlakat o‘rtasidagi qulay ko‘prikka aylanib, tadbirkorlar, talabalar va sayyohlarning safarlarini yengillashtiradi. Boshqirdiston Respublikasi poytaxti Ufa bilan to‘g‘ridan to‘g‘ri aviaqatnov ishbilarmonlik hamkorligi va madaniy aloqalarni rivojlantirish uchun qo‘shimcha imkoniyatlar yaratadi.Ufa — go‘zal Belaya daryosi bo‘yida joylashgan Volgabo‘yining eng yirik madaniy markazlaridan biri. Shahar o‘zining boy tarixi va ko‘p millatli muhiti bilan sayyohlar hamda ishbilarmonlarni o‘ziga jalb qiladi. Ufa an’anaviy boshqird madaniyatini asrab-avaylash markazi bo‘lib, butun Rossiyada e’tirof etilgan milliy boshqird taomlari bilan mashhur.Toshkent — Ufa yo‘nalishidagi muntazam reyslar 2026-yil 3-sentyabrdan yo‘lga qo‘yildi:Parvoz kunlari: payshanba va yakshanba, haftasiga 2 martaAviachipta narxi: 2,3 mln so‘mdanMaxsus taklif: sayt va mobil ilova orqali xarid qilinganda tarifdan 5% chegirmaAviachiptalar centrum-air.com rasmiy sayti hamda App Store va Google Play’dan yuklab olish mumkin bo‘lgan Centrum Air mobil ilovasida mavjud.
2 Sentabr, 2026
Centrum Air aviakompaniyasi 3-sentyabr kuni Toshkent — Karachi yo‘nalishidagi ilk reysni amalga oshirib, o‘z tarixida yangi sahifa ochdi. Havo kemasining Karachi xalqaro aeroportida tantanali kutib olinishi yangi xalqaro yo‘nalish ochilishining ahamiyatini tasdiqladi.O‘zbekiston poytaxti va Pokistonning asosiy moliyaviy, sanoat va savdo markazi o‘rtasida muntazam reyslarning yo‘lga qo‘yilishi ikki mamlakatning ishbilarmonlik aloqalarini rivojlantirish, ta’lim sohasidagi hamkorligini mustahkamlash va turistik aloqalarini kengaytirish uchun yangi imkoniyatlar eshigini ochadi.Toshkent — Karachi yo‘nalishidagi reyslar haftasiga ikki marta amalga oshiriladi:• Uchish kunlari: payshanba va shanba• Aviachipta narxi: 1,7 mln so‘mdan• Maxsus taklif: sayt va mobil ilovada bron qilinganda tarifdan 5% chegirmaAviachiptalar centrum-air.com rasmiy saytida va App Store hamda Google Play’dan yuklab olish mumkin bo‘lgan Centrum Air mobil ilovasida mavjud.
2 Sentabr, 2026
+998 55 518 88 88Bog'lanish
© 2026. ООО "My Freighter",
Centrum Air™ — Barcha huquqlar himoyalangan
