HammasiKompaniya haqidaYo'nalishMuhimBoshqaHamkorlarAksiyalar

Yangiliklar

Centrum Air yangi Farg‘ona – Istanbul yo‘nalishini ishga tushirdi

13 Aprel, 2026Yo'nalish

Centrum Holidays Centrum Air reyslarida Antaliyaga to‘g‘ridan-to‘g‘ri parvozli turlarni yo‘lga qo‘ymoqda

Centrum Holidays operatori Centrum Air reyslari bilan Toshkent – Antaliya – Toshkent yo‘nalishida to‘g‘ridan-to‘g‘ri aviaqatnovlarni o‘z ichiga olgan yangi turistik mahsulot ishga tushirilganini e’lon qiladi. Dastur 2026-yilning 29-mayidan 29-sentyabriga qadar amalga oshiriladi.Parvozlar haftasiga 5 marta – dushanba, seshanba, payshanba, juma va yakshanba kunlariga rejalashtirilgan. Zamonaviy va keng fyuzelyajli Airbus A330 samolyotlarida toʻgʻridan-toʻgʻri amalga oshiriladigan reyslar parvoz vaqtini qisqartirib, yo‘lovchilar uchun qulaylik yaratadi.Barcha turlar onlayn sotuvda mavjud bo‘lib, sayohatchilar o‘zlariga mos mehmonxona va dam olish formatini tanlashlari mumkin. Sotuvlar Centrum Holidays kompaniyasining parvoz va yashashni o‘z ichiga olgan tayyor turpaketlari shaklida amalga oshirilmoqda.Turpaketning minimal narxi bir kishi uchun 11 700 000 so‘mdan boshlanadi.Takliflar, mehmonxonalar va uchish sanalari haqida qo‘shimcha ma’lumotlarni Centrum Holidays sahifalaridan olish mumkin.Ma’lumot uchun:Telefonlar: +998772820880, +998772810880, +998702000880SaytInstagramTelegram

10 Aprel, 2026Yo'nalish

Centrum Air'dan yangi loyiha: ilk samolyotga Amir Temur nomi berildi

Centrum Air aviakompaniyasi tarixiy va madaniy qadriyatlarni qo‘llab-quvvatlashga qaratilgan yangi tashabbus boshlanganini e’lon qiladi. Mazkur loyiha doirasida aviakompaniya havo kemalariga buyuk tarixiy shaxslarning nomlari beriladi.Ushbu tashabbus doirasida nom berilgan birinchi havo kemasi UK32070 ro‘yxat raqamiga ega Airbus yo‘lovchi samolyoti bo‘ladi. Unga buyuk davlat arbobi va sarkarda — Amir Temur nomi beriladi. Mazkur tanlov ramziy ma’noda u zotning tavallud ayyomiga to‘g‘ri keladi.Mazkur tashabbus tarixiy merosni ommalashtirishga qaratilgan bo‘lib, ajdodlarimiz tarixi va ularning hissasiga hurmatni aks ettiradi hamda kompaniya qadriyatlari va madaniy missiyasining muhim qismi hisoblanadi.Amir Temur tarixga buyuk sarkarda va davlat arbobi sifatida kirgan bo‘lib, uning davrida Samarqand ilm-fan, madaniyat va savdo-sotiqning muhim markaziga aylangan, Sharq va G‘arb o‘rtasidagi xalqaro aloqalar esa faol rivojlangan. Bugungi kunda aviatsiya ko‘p jihatdan aynan shu missiyani davom ettirib, mamlakatlarni bog‘lamoqda, xalqaro aloqalar va madaniy almashinuvni mustahkamlashga xizmat qilmoqda.Centrum Air asoschisi va bosh direktori Abdulaziz Abduraxmanov shunday dedi:«Tariximizdagi buyuk shaxslar madaniyatlarni birlashtirgani, savdo-sotiqni rivojlantirgani va xalqlar o‘rtasidagi aloqalarni mustahkamlagani kabi aviatsiya ham shaharlar va mamlakatlarni birlashtiradi. Samolyotlarimizdan biriga Amir Temur nomining berilishi — bu merosga bo‘lgan hurmat belgisi, shuningdek, insonlarni birlashtirish hamda yangi ufqlarni ochish missiyasini davom ettirayotganimiz ramzidir».Mazkur tashabbus doirasida xoldingning barcha 25 ta havo kemasiga, jumladan, My Freighter yuk aviakompaniyasi flotiga ham ulug‘ tarixiy shaxslarning nomlari beriladi. Samolyotlar davlatchilik, fan, madaniyat va xalqaro aloqalar rivojiga ulkan hissa qo‘shgan buyuk ajdodlarimiz nomlari bilan ataladi. Shu tariqa Centrum Air mamlakatning boy tarixiy merosini xalqaro maydonda tanitib, o‘ziga xos madaniy missiyani amalga oshiradi.

9 Aprel, 2026Kompaniya haqida

Centrum Air xavfsizlik madaniyatini shakllantirish maqsadida Train-the-Trainer CRM dasturini joriy etmoqda

London, Buyuk Britaniya, 2026-yil 4-mart — Centrum Air Acron Aviation kompaniyasi koʻmagida yoʻriqchilar (instruktorlar) tayyorlash (train-the-trainer) boʻyicha kompleks dasturni muvaffaqiyatli yakunladi. Buning natijasida ichki oʻquv jamoamiz uchuvchilar uchun ekipaj resurslarini boshqarish (CRM) boʻyicha treninglarni mustaqil oʻtkazish uchun zarur bilim va koʻnikmalarga ega boʻldi.Ushbu tashabbus Centrum Air’da xavfsizlik madaniyatini rivojlantirishda muhim qadam boʻlib, yoʻriqchilarga CRM boʻyicha oʻqitishni, jumladan, inson omili masalalarini barqaror ichki asosda olib borish uchun vositalar, bilim va koʻnikmalarni taqdim etdi.Acron Aviation’ning CRM sohasida ekspertizaga ega boʻlgan maxsus jamoasi moslashtirilgan oʻquv dasturini ishlab chiqdi, yoʻriqchilar uchun qator treninglar oʻtkazdi va Centrum Air’ning yangi sertifikatlangan yoʻriqchilari bilan birgalikda joriy etishning dastlabki bosqichini qoʻllab-quvvatladi.Hamkorlikdagi bunday yondashuv ham tezkor operatsion tayyorgarlikni, ham oʻqitish tizimining uzoq muddatli barqarorligini taʼminlaydi.Acron Aviation prezidenti Devid Kouard shunday dedi:«Aviakompaniyalarning oʻz oʻquv tizimini yaratish imkoniyatlarini kengaytirish mijozlar uchun uzoq muddatli qiymatni shakllantirish falsafamizning asosiy elementidir. Centrum Air jamoasini mustaqil ravishda CRM-treninglar oʻtkazish imkoniyati bilan taʼminlash orqali nafaqat bugungi operatsion xavfsizlik va samaradorlikni oshiramiz, balki ularning uzoq muddatli oʻsish ambitsiyalarini ham qoʻllab-quvvatlaymiz».U, shuningdek: «Mazkur dastur uzoq muddatli sheriklik aloqalarini oʻrnatishga boʻlgan sodiqligimizni aks ettiradi — biz mijozlarimiz bilan yelkama-yelka ishlab, ularning tashkilotini kelgusi yillar davomida mustahkamlaydigan barqaror yechimlar yaratamiz», — deb qoʻshimcha qildi.Centrum Air uchun afzalliklar faqat operatsion samaradorlik bilan cheklanib qolmaydi. CRM tamoyillarini xavfsizlik madaniyatiga chuqur joriy etish orqali aviakompaniya uchuvchilar ish samaradorligini oshiradi, o‘sish strategiyasini qo‘llab-quvvatlaydi hamda Yevropa Aviatsiya Xavfsizligi Agentligining (EASA) barqaror CRM amaliyotlarini joriy etishni talab qiluvchi sertifikatini olish jarayonini jadallashtiradi.Eldar Hamdeyev, LLC My Freighter / Centrum Air parvoz ishlarini tashkil etish boʻyicha bosh direktor oʻrinbosari, shunday taʼkidladi:«Bunday fundamental yondashuv Centrum Air’ni novator — mintaqada mustaqil ravishda CRM-treninglar oʻtkazish imkoniyatiga ega yagona aviakompaniya sifatida namoyon etish imkonini beradi. Yoʻriqchilar malakasini oshirish, uchuvchilar kompetensiyalarini rivojlantirish va tashqi provayderlarga bogʻliqlikni kamaytirish aviakompaniyaning xavfsizlik madaniyatini yanada mustahkamlashga xizmat qiladi».Ushbu bosqich, shuningdek, ikki tashkilot oʻrtasidagi rivojlanib borayotgan hamkorlikni mustahkamlaydi. Centrum Air uchuvchilari allaqachon Acron Aviation’ning Londondagi oʻquv markazida Type Rating boʻyicha tahsil olmoqdalar, Acron Aviation esa CRM standartlari ustidan nazoratni davom ettirayotganini hisobga olsa, ushbu hamkorlik har ikki kompaniya uchun uzoq muddatli qiymatni shakllantiradi.

2 Aprel, 2026Hamkorlar

Centrum Air ayrim yoʻnalishlarda yoqilgʻi yigʻimlari va tariflar darajasiga tuzatishlar kiritdi

Centrum Air aviakompaniyasi ayrim xalqaro yoʻnalishlarda yoqilgʻi yigʻimlariga tuzatishlar kiritilganini maʼlum qiladi. Mazkur qaror jahon bozorlarida aviatsiya yoqilgʻisi narxining sezilarli darajada oshishi munosabati bilan qabul qilindi.Oʻzgarishlar yoqilgʻi narxining dinamikasi operatsion xarajatlarga eng koʻp taʼsir koʻrsatgan bir qator muntazam yoʻnalishlarga tegishlidir. Yoqilgʻi yigʻimining korreksiyalanishi ortib borayotgan xarajatlarni qisman qoplash va parvozlar dasturining barqaror bajarilishini taʼminlashga qaratilgan.Shu bilan birga, aviachiptalarning bazaviy tariflari raqobatbardoshligicha qoladi, kiritilgan oʻzgarishlar esa cheklangan xarakterga ega boʻlib, faqat ayrim belgilangan yoʻnalishlar boʻyicha qoʻllaniladi. Aviakompaniya xarajatlarni optimallashtirish va yoʻlovchilar uchun tashuvlar narxiga tashqi omillar taʼsirini minimallashtirish choralarini koʻrmoqda.Centrum Air taʼkidlashicha, ushbu qaror parvozlar jadvali barqarorligini saqlash, parvozlar xavfsizligining yuqori darajasini qoʻllab-quvvatlash va aviatsiya yoqilgʻisi narxlari oʻzgaruvchan boʻlgan sharoitda operatsion faoliyat uzluksizligini taʼminlash imkonini beradi.

3 Aprel, 2026Muhim

Centrum Air Frankfurtga ilk parvozni amalga oshirdi

Centrum Air aviakompaniyasi 30-mart kuni Toshkent – Frankfurt yo‘nalishi bo‘yicha ilk muntazam parvozini muvaffaqiyatli amalga oshirib, rasman o‘zining birinchi Yevropa yo‘nalishini ochdi. Reysning yo‘lga qo‘yilishi aviakompaniyaning xalqaro yo‘nalishlar tarmog‘ini kengaytirish va Yevropa bozoriga chiqishida muhim bosqich bo‘ldi.Birinchi reys munosabati bilan aeroportda yo‘lovchilarni tantanali kutib olish marosimi tashkil etildi: mehmonlar bayramona bezaklar, tort va shirinliklar bilan qarshi olindi. Ko‘tarinki ruhda o‘tgan tadbir yangi yo‘nalishning ahamiyatini ta’kidladi. Inauguratsiya marosimida O‘zbekiston Respublikasining Frankfurt-Mayndagi Bosh konsuli Miranshoh Raupov, Fraport vakili – aviakompaniyalar bilan ishlash bo‘limi rahbari Kristina Morat, Swissport vakili Hikmet Karakelle, Sky Line Air Services – GSA Centrum Air vakili Mohamed Bayoumi, shuningdek, Centrum Air mintaqaviy vakolatxonalari va xorijiy idoralari koordinatori O‘tkur Alimov ishtirok etdi.Toshkent va Frankfurt o‘rtasidagi parvozlar haftasiga ikki marta zamonaviy Airbus A321neo havo kemalarida amalga oshiriladi. Yangi yo‘nalish O‘zbekiston va Yevropa o‘rtasidagi transport aloqalarini mustahkamlab, ishbilarmonlik va turistik safarlar uchun qo‘shimcha imkoniyatlar yaratadi.

3 Aprel, 2026Yo'nalish

Samolardagi bir yil: Centrum Air Sheremetyevoga parvozlarning bir yilligini nishonlamoqda

31-mart kuni Centrum Air aviakompaniyasi yo‘nalishlar tarmog‘ining asosiy nuqtalaridan biri bo‘lgan Toshkent – Moskva (Sheremetyevo) yo‘nalishi bo‘yicha parvozlar amalga oshirilishining bir yilligini nishonlamoqda.Parvozlar yo‘lga qo‘yilgan vaqtdan boshlab ushbu reys shunchaki muntazam aviayo‘nalish emas, balki O‘zbekiston va Rossiya o‘rtasidagi shaharlar, oilalar va ishbilarmonlik aloqalarini bog‘lovchi mustahkam havo ko‘priziga ham aylandi.Faoliyatning birinchi yili davomida aviakompaniya Sheremetyevoga 296 ta reys va 296 ta ortga qaytish parvozini amalga oshirib, parvozlar barqarorligi va muntazamligini ta’minladi. Yo‘nalish bo‘yicha umumiy yo‘lovchi oqimi har ikki tomonga 106 780 kishini tashkil etdi, osmondagi umumiy vaqt esa 2 678 soatga yetdi. Mazkur yo‘nalish yil davomida yuqori talabni saqlab qolib, ikki davlat o‘rtasidagi shaxsiy va xizmat safarlari uchun muhimligini tasdiqladi.Yil davomida yo‘lovchilarga xizmat ko‘rsatish darajasini yaxshilashga alohida e’tibor qaratildi. Yo‘nalishda Sheremetyevo aeroportida onlayn ro‘yxatdan o‘tish joriy etildi, qo‘shimcha bagaj sotib olish imkoniyatlari kengaytirildi, uy hayvonlarini tashish imkoniyati yaratildi, shuningdek, ustuvor ro‘yxatdan o‘tish (priority check-in) xizmati yo‘lga qo‘yildi. Mazkur shart-sharoitlar Sheremetyevo aeroporti xizmatlari bilan samarali hamkorlik natijasida yaratildi va aviakompaniya bu qo‘llab-quvvatlov uchun minnatdorchilik bildiradi.Bundan tashqari, bortdagi servis ham kengaytirildi. Yo‘lovchilar uchun chipta sotib olish jarayonida maxsus taomlarni tanlash (9 xil turdagi) imkoniyati yaratildi, shuningdek, parvoz vaqtida film ko‘rish, yangiliklar va jurnallar o‘qish, gazak va ichimliklar xarid qilish imkonini beruvchi tizim joriy etildi.Birinchi yil yakunlariga ko‘ra, mazkur yo‘nalish barqaror yo‘lovchi oqimini namoyon etib, Centrum Air xalqaro tarmog‘ining muhim qismiga aylandi.Aviakompaniya xizmat ko‘rsatish sifati, reyslar muntazamligi va yo‘lovchilar uchun imkoniyatlarni kengaytirishga ustuvor ahamiyat bergan holda yo‘nalishni yanada rivojlantirishda davom etmoqda.

31 Mart, 2026Yo'nalish

Centrum Air IATA ARM Index sertifikatini qo‘lga kiritdi va NDC orqali ilk savdoni amalga oshirdi

O‘zbekistonning eng yirik xususiy aviatashuvchisi va xalqaro transport-logistika xoldingi — Centrum Holding tarkibiga kiruvchi Centrum Air aviakompaniyasi Xalqaro havo transporti assotsiatsiyasining (IATA) Airline Retailing Maturity (ARM) Index sertifikatini olgani hamda NDC (New Distribution Capability) tizimi orqali ilk aviachipta sotuvini amalga oshirganini e’lon qiladi.Ushbu qadamlar Centrum Air kompaniyasining zamonaviy aviatsiya riteylingi va raqamli distributsiya modelini rivojlantirish borasidagi izchil sa’y-harakatlarining tasdig‘idir.ARM Index sertifikatining olinishi Centrum Air’ning sotuvlarni boshqarish, distributsiya va hamkorlar bilan ishlash sohasida xalqaro standartlarga muvofiqligidan dalolat beradi. Shuningdek, bu aviakompaniyaning agentliklar va yo‘lovchilar bilan o‘zaro hamkorlik qilishda yanada moslashuvchan hamda texnologik modelga o‘tayotganini anglatadi.Shu bilan bir qatorda, kompaniya o‘zining NDC infratuzilmasi orqali ilk tranzaksiyasini muvaffaqiyatli amalga oshirdi. Bu yangi takliflar va buyurtmalarni boshqarish (Offer & Order) tizimining amaliy jihatdan ishga tushganini tasdiqladi.Ushbu bosqich hamkorlar va yo‘lovchilar uchun yangi imkoniyatlarni, jumladan, yanada moslashuvchan savdo shartlari, distributsiya kanallarining kengayishi va personallashgan takliflar rivojlanishini ta’minlaydi.Kompaniya uchun muhim bo‘lgan ushbu loyihalar ichki jamoa va texnologik hamkorlarning samarali mehnati sharofati bilan amalga oshirildi.Centrum Air o‘zining raqamli ekotizimini rivojlantirishda davom etadi hamda NDC va IATA xalqaro standartlari doirasida funksional imkoniyatlarini yanada kengaytirishni rejalashtirmoqda.

31 Mart, 2026Muhim

Centrum Air operatsion rejalashtirishni takomillashtirish uchun Optifly platformasini joriy etadi

Centrum Air aviakompaniyasi operatsion rejalashtirish jarayonlarini yanada rivojlantirish hamda Markaziy Osiyo va uning tashqarisida aviakompaniyaning barqaror o‘sishini qo‘llab-quvvatlash doirasida Optifly platformasini joriy etadi.Loyiha doirasida aviakompaniya rejalashtirish samaradorligini oshirish hamda kengayuvchan, texnologik operatsion muhitni shakllantirish uchun Optifly yechimlaridan, jumladan, OptiSched, OptiSlots va OptiAI’dan foydalanadi.Rivojlanish strategiyasiga muvofiq, Centrum Air moslashuvchanlik va samaradorlikni ta’minlagan holda ortib borayotgan operatsion murakkablikni qo‘llab-quvvatlashga qodir zamonaviy yechimlarni ko‘rib chiqdi. Optifly platformasi ilg‘or rejalashtirish vositalari, ichki sun’iy intellekt (AI) imkoniyatlari va zamonaviy foydalanuvchi interfeysini birlashtirgan bo‘lib, bu rejalashtirish va muvofiqlashtirish jarayonlarini optimallashtirish imkonini beradi.Centrum Air bosh direktori Abdulaziz Abdurahmonov shunday izoh berdi:«Operatsion faoliyatimiz rivojlanib borayotgan bir paytda, biz uchun aviakompaniya o‘sishini qo‘llab-quvvatlaydigan va o‘zgaruvchan vazifalarga javob bera oladigan zamonaviy yechimlarni joriy etish muhimdir. Biz qulaylik, moslashuvchanlik va intellektual imkoniyatlarni o‘zida mujassam etgan texnologiyani qidirdik. Optifly platformasi ushbu talablarga to‘liq javob beradi va operatsion rejalashtirish jarayonlarini yanada takomillashtirishga xizmat qiladi».Optifly tijorat direktori Daniel Malkaxi shunday ta’kidladi:«Centrum Air mintaqadagi eng tez rivojlanayotgan aviakompaniyalardan biri bo‘lib, uning taraqqiyotini qo‘llab-quvvatlashdan mamnunmiz. Bizning platformamiz aviakompaniyalarga rejalashtirish, slotlarni boshqarish va operatsion faoliyat jarayonlarini takomillashtirishga yordam beradi, shuningdek, biznes o‘sishi bilan kelgusida yanada optimallashtirish imkoniyatini ta’minlaydi».Aviakompaniyaning Yo‘nalishlar tarmog‘ini rejalashtirish, parvozlar jadvali va slotlar bo‘limi rahbari Klayv Fernando qo‘shimcha qildi:«Biz parvozlarni rejalashtirish, aeroportlardagi slotlarni boshqarish va qaror qabul qilishni intellektual qo‘llab-quvvatlashni yagona tizimda birlashtirgan zamonaviy platformani izlayotgan edik. Optifly jamoalarimizga bugunning o‘zidayoq maksimal samaradorlik bilan ishlash imkonini beradi, shu bilan birga, Markaziy Osiyo va uning tashqarisida yo‘nalishlar tarmog‘imiz kengayishi sari tizimni masshtablashtirish va doimiy optimallashtirish uchun moslashuvchanlikni ta’minlaydi. Texnologiyalar va tahliliy ma’lumotlardan foydalangan holda aviakompaniya yo‘nalishlar tarmog‘ini boshqarishning yangi avlodini shakllantirmoqdamiz».

31 Mart, 2026Kompaniya haqida

Centrum Air va Turkish Technic komponentlar puli xizmatlarini ko‘rsatish bo‘yicha ko‘p yillik shartnoma imzoladi

O‘zbekistonning eng yirik xususiy aviatashuvchisi, Centrum Holding xalqaro logistika va transport xoldingi tarkibiga kiruvchi Centrum Air aviakompaniyasi havo kemalariga texnik xizmat ko‘rsatish, ta’mirlash va kapital ta’mirlash (MRO) bo‘yicha dunyodagi yetakchi provayderlardan biri — Turkish Technic kompaniyasi bilan Airbus A320 flotiga xizmat ko‘rsatish bo‘yicha ko‘p yillik shartnoma imzoladi.Turkish Technic kompaniyasining O‘zbekiston aviakompaniyasi bilan birinchi sherikligiga zamin yaratgan mazkur kelishuv tomonlar o‘rtasidagi strategik hamkorlikning boshlanishini anglatadi.Shartnoma doirasida Centrum Air Turkish Technic’ning keng qamrovli komponentlar pulidan foydalanish imkoniyatiga ega bo‘ladi. Bu esa, oʻz navbatida, aviakompaniyaning ehtiyot qismlar bilan tezkor va kompleks ta’minlash orqali havo kemalarining uzluksiz ekspluatatsiyasini ta’minlashiga xizmat qiladi.Turkish Technic bosh direktori va direktorlar kengashi a’zosi Mikail Akbulut hamkorlikni sharhlar ekan,  shunday dedi:«Markaziy Osiyoning eng yirik aviatashuvchilaridan birini hamkorlarimiz qatorida qutlashdan mamnunmiz. Ushbu uzoq muddatli kelishuv kelgusidagi yaqin hamkorlik uchun asos bo‘lib xizmat qiladi. Komponentlar puli sohasidagi ko‘p yillik tajribamiz sharofati bilan ularning operatsion faoliyatini samarali qo‘llab-quvvatlashni ta’minlaymiz. Yaqin yillarda hamkorligimiz uzoq muddatli va muvaffaqiyatli rivojlanishiga umid qilamiz».O‘z navbatida, Centrum Holding asoschisi va bosh direktori Abdulaziz Abdurahmonov shunday ta’kidladi:«Turkish Technic bilan hamkorlik operatsiyalarimiz ishonchliligi va samaradorligini oshirishda muhim bosqich hisoblanadi. Komponentlarni qo‘llab-quvvatlashning rivojlangan infratuzilmasidan foydalanish imkoniyati flotimiz va yo‘nalishlar tarmog‘imiz asosiy mintaqaviy hamda xalqaro bozorlarda kengayishi bilan birga, yuqori darajadagi operatsion barqarorlikni saqlab qolishimizga ham yordam beradi. Biz Turkish Technic’ning global ekspertizasini yuksak qadrlaymiz va ushbu hamkorlik Centrum Air’ning uzoq muddatli o‘sishi hamda operatsion mukammalligiga xizmat qilishiga ishonamiz».Universal MRO xizmatlari yetkazib beruvchisi sifatida Turkish Technic xalqaro mijozlarning keng doirasi uchun texnik xizmat ko‘rsatish, ta’mirlash, muhandislik yordami, modifikatsiya, shuningdek, komponentlar yetkazib berish va havo kemalarini rekonfiguratsiya qilishni ta’minlaydi. Kompaniya zamonaviy angarlarga ega bo‘lib, beshta ishlab chiqarish maydonchasida yuqori sifatli xizmatlar, raqobatbardosh bajarish muddatlari va keng ko‘lamli ichki vakolatlarni taqdim etadi.Turkish Technic kompaniyasi haqidaTurkish Airlines guruhiga (Istanbul fond birjasi: THYAO) kiruvchi Turkish Technic (IATP: TKT) aviatsiya xizmatlari ko‘rsatish bo‘yicha dunyodagi yetakchi provayderlardan biridir. Kompaniya 11 650 nafardan ortiq yuqori malakali xodimlarga ega bo‘lib, havo kemalariga texnik xizmat ko‘rsatish, ta’mirlash, modifikatsiya va rekonfiguratsiya bo‘yicha kompleks xizmatlarni taqdim etadi. Ishlar ikki qit’ada joylashgan Istanbul aeroportlari (Otaturk, Sabiha Go‘kchen va Istanbul yangi aeroporti) bazasida amalga oshiriladi. Muhandislik va texnik xizmatlardan tashqari, Turkish Technic komponentlar pullari, loyihalash, sertifikatlash va ishlab chiqarish sohasida yechimlar taqdim etish orqali butun dunyodagi aviakompaniyalar va havo kemalari egalarini qo‘llab-quvvatlaydi.Centrum Air kompaniyasi haqidaCentrum Holding tarkibiga kiruvchi Centrum Air O‘zbekistonning eng yirik xususiy aviakompaniyasi hisoblanadi. Aviakompaniya floti tor va keng fyuzelyajli 15 ta zamonaviy Airbus havo kemasidan iborat bo‘lib, ular 50 dan ortiq yo‘nalish bo‘yicha parvozlarni amalga oshiradi. Kompaniya O‘zbekistondagi xablari orqali ishonchli havo qatnovini ta’minlagan holda yo‘nalishlar tarmog‘ini faol rivojlantirmoqda.

27 Mart, 2026Muhim

Centrum Air Verteil negizida aviayuklar va tashuvlar riteylingi hamda distributsiyasi uchun yangi avlod platformasini ishga tushirmoqda

Toshkent, O‘zbekiston / Kochi, Hindiston – 2026-yil 24-mart – O‘zbekistonning eng yirik xususiy aviatashuvchisi va Centrum Holding tarkibiga kiruvchi Centrum Air aviakompaniyasi Verteil Technologies texnologiyalari asosida ishlab chiqilgan yangi avlod riteyling va distributsiya platformasi ishga tushirilganini e’lon qildi. Buning uchun buyurtmalarni boshqarish tizimi (Order Management System, OMS) asosida ishlaydigan hamda platformaning asosiy funksional imkoniyatlarini o‘zida mujassamlashtirgan brendlangan NDC API Gateway va NDC Agency Portal Centrum Air ishga tushirildi. Ushbu arxitektura aviakompaniyaga tegishli bo‘lgan riteyling, distributsiya va hamkorlar bilan o‘zaro aloqalarni rivojlantirish uchun zamonaviy texnologik asosni shakllantiradi.IATA tomonidan ishlab chiqilgan zamonaviy Offer & Order riteyling tamoyillariga asoslangan ushbu platforma Centrum Air’ga NDC doirasidagi rivojlanishni jadallashtirish hamda barcha kanallar orqali o‘z mahsulotlarini yaratish, distributsiya qilish va ularga xizmat ko‘rsatish ustidan yuqori darajadagi nazoratni ta’minlash imkonini beradi. Platformaning ishga tushirilishi aviakompaniyaning yanada moslashuvchan va zamonaviy riteyling modeliga o‘tishidagi muhim bosqich hisoblanadi.Platforma tavsifiUshbu yechim joriy etilishi bilan Centrum Air buyurtmalarni boshqarish, NDC-ulanish va agentliklarga xizmat ko‘rsatishni yagona brendlashtirilgan muhitda birlashtiruvchi yaxlit texnologik ekotizimga ega bo‘ladi. Verteil kompaniyasi loyihaning texnologik hamkori va ijrochisi sifatida ishtirok etib, nafaqat yetakchi NDC-agregatorlaridan biri, balki aviakompaniyalar uchun zamonaviy aviatsiya riteylingiga o‘tishni qo‘llab-quvvatlovchi IT-provayder sifatidagi mavqeini ham mustahkamladi.Hamkorlarni to‘liq avtomatlashtirilgan tarzda ulash platformaning asosiy imkoniyatlaridan biri bo‘lib, bu Centrum Air’ga ham IATA, ham no-IATA agentliklarini tez va xavfsiz tarzda ulashga sharoit yaratadi. Natijada distributsiya kanallarini kengaytirishdagi an’anaviy qiyinchiliklar barham topadi, ortiqcha vaqt yo‘qotilishining oldi olinadi, shuningdek, aviakompaniyaga tijoriy nazoratni saqlab qolgan holda rivojlangan va o‘sib borayotgan bozorlarda hamkorlik tarmog‘ini kengaytirish uchun masshtablanuvchi vosita taqdim etadi.To‘lovlar va distributsiyaYangi platforma turli hisob-kitob modellari, jumladan, BSP, bank kartalari orqali to‘lovlar va transchegaraviy hamda agentlik operatsiyalari uchun dolzarb bo‘lgan muqobil to‘lov usullarini qo‘llab-quvvatlagan holda yanada moslashuvchan to‘lov infratuzilmasini taqdim etadi. Bu distributsiyani yanada kengaytirish va turli bozorlarda tranzaksiyalarni boshqarish moslashuvchanligini oshirish uchun mustahkam poydevor yaratadi.O‘zining riteyling va distributsiya platformasini rivojlantirish bilan bir qatorda, Centrum Air kontenti Verteil agregatori orqali ham taqdim etiladi, bu esa ulangan agentliklar va hamkorlarning global tarmog‘i hisobiga aviakompaniya qamrovini kengaytiradi. Umuman olganda, bu Centrum Air’ga aviakompaniyaning o‘zi tomonidan boshqariladigan zamonaviy texnologik infratuzilmaga tayangan holda distributsiyani yanada tezroq va samaraliroq kengaytirish imkonini beradi.Tomonlarning izohlariCentrum Holding asoschisi va bosh direktori Abdulaziz Abduraxmanov shunday dedi:«Ushbu platformaning ishga tushirilishi Centrum Air rivojlanishida hamda global turizm bozori bilan o‘zaro hamkorlikni yo‘lga qo‘yishimizda muhim bosqichdir. Parvozlar geografiyasining kengayishi, reyslar chastotasining ortishi va mintaqadagi mavqeyimizning mustahkamlanishi tezkorlik, moslashuvchanlik va nazoratni ta’minlovchi zamonaviy riteyling va distributsiya tizimini talab etadi. Bu bizga nafaqat NDC doirasidagi rivojlanishni jadallashtirish, balki hamkorlar bilan o‘zaro aloqalarni va ularning turli bozorlarda ulanishini soddalashtirish imkonini ham beradi. Verteil yechimi biz uchun zarur texnologik asosni yaratib, zamonaviy tijorat infratuzilmasidan foydalangan holda biznesni kengaytirish borasidagi maqsadlarimizni qo‘llab-quvvatlaydi».Verteil Technologies asoschisi va bosh direktori Jerrin Jos shunday qo‘shimcha qildi:«Centrum Air bilan hamkorligimiz zamonaviy aviatsiya riteylingi ekotizimini yaratish borasidagi umumiy qarashlarimizni aks ettiradi. Ushbu platformaning ishga tushirilishi bugungi kunda aviakompaniyalar oddiy integratsiya doirasidan chiqib, o‘zlarining riteyling infratuzilmasiga sarmoya kiritayotganini ko‘rsatmoqda. Mazkur yechim brendlashtirilgan NDC-ulanish, buyurtmalarni boshqarish, agentliklar bilan ishlash va zamonaviy to‘lov mexanizmlarini o‘sishga yo‘naltirilgan yagona platformada birlashtiradi. Verteil uchun esa bu yetakchi NDC agregatoridan aviakompaniyalarning strategik IT hamkoriga aylanganimizni anglatadi. Biz ularga distributsiyani modernizatsiya qilish, NDC joriy etilishini jadallashtirish va soha rivojida navbatdagi bosqich uchun texnologik asos yaratishda yordam bermoqdamiz».Centrum Air kompaniyasi haqidaCentrum Holding tarkibiga kiruvchi Centrum Air O‘zbekistonning eng yirik xususiy aviakompaniyasi hisoblanadi. Aviakompaniya floti tor va keng fyuzelyajli 14 ta zamonaviy Airbus havo kemasidan iborat bo‘lib, ular 50 dan ortiq yo‘nalishlar bo‘yicha parvozlarni amalga oshirmoqda. Kompaniya O‘zbekistondagi xablari orqali ishonchli aviaaloqani ta’minlab, yo‘nalishlar tarmog‘ini faol rivojlantirmoqda.Verteil Technologies kompaniyasi haqida2016-yilda tashkil etilgan va bosh qarorgohi Kochi (Hindiston) shahrida joylashgan Verteil Technologies Dubay, Yaponiya, Nigeriya va Keniyada o‘z vakolatxonalariga ega. Kompaniya IATA NDC standarti asosida aviakompaniyalar va sayyohlik agentliklari uchun yechimlarga ixtisoslashgan sayohat texnologiyalari provayderi hisoblanadi. Verteil texnologiyalari aviakompaniyalarga zamonaviy riteyling infratuzilmasini, jumladan, API-integratsiyalar, agentlik portallari, buyurtmalarni boshqarish tizimlari va IATA distributsiya standartlariga mos keladigan to‘lov yechimlarini joriy etish imkonini beradi.

23 Mart, 2026Kompaniya haqida

Centrum Air yo‘nalishlar tarmog‘ini kengaytirib, yangi xalqaro yo‘nalishlarni ishga tushirmoqda

Centrum Air aviakompaniyasi o‘z yo‘nalishlar tarmog‘ini rivojlantirish doirasida qator yangi muntazam xalqaro yo‘nalishlar ishga tushirilishini e’lon qiladi. Asosiy e’tibor MDH mamlakatlaridagi ishtirokni kengaytirish, shuningdek, Osiyo davlatlari bilan aviatsiya aloqalarini mustahkamlashga qaratilgan.Bahor-yozgi jadvalda aviakompaniya Rossiya shaharlariga yangi reyslarni ochmoqda:Omsk – 31-martdan, haftasiga 2 marta (seshanba, juma)Krasnoyarsk – 29-martdan, haftasiga 2 marta (payshanba, yakshanba)Samara – 30-martdan, haftasiga 2 marta (dushanba, payshanba)Sochi – 30-martdan, haftasiga 2 marta (dushanba, juma)Ulan-Ude – 1-apreldan, haftasiga 1 marta (chorshanba)Ushbu yo‘nalishlarning ochilishi hududlararo transport qulayligini oshirish hamda O‘zbekiston va Rossiya Federatsiyasi o‘rtasida muntazam qatnovchi yo‘lovchilar uchun qo‘shimcha imkoniyatlar yaratishga xizmat qiladi.Shu bilan birga, aviakompaniya Markaziy va Janubiy Osiyo mamlakatlariga ham aviaqatnovlarni yo‘lga qo‘yish orqali mintaqaviy tarmoqni kuchaytirmoqda:Ostona – 29-martdan, haftasiga 4 marta (dushanba, seshanba, juma, yakshanba)Uralsk – 22-apreldan, haftasiga 2 marta (seshanba, yakshanba)O‘sh – 1-apreldan, haftasiga 2 marta (chorshanba, shanba) Lahor – 21-apreldan, haftasiga 2 marta (seshanba, juma)Mazkur yo‘nalishlarning ishga tushirilishi mintaqa mamlakatlari o‘rtasidagi transport aloqalarini rivojlantirish, ishbilarmonlik va turistik aloqalarni kengaytirish, shuningdek, hududlararo hamkorlikni mustahkamlashga yordam beradi.Barcha reyslar Toshkentdan zamonaviy va qulay Airbus A320 havo kemalarida amalga oshiriladi.Yo‘nalishlar tarmog‘ini yanada rivojlantirish doirasida aviakompaniya, shuningdek, Toshkent — Samarqand ichki yo‘nalishi hamda Vyetnamning Danang va Kamran (Nha Trang) shaharlariga xalqaro reyslarni yo‘lga qo‘yishni ham rejalashtirmoqda.Bundan tashqari, 30-martdan ilk Yevropa yo‘nalishi — Frankfurtga parvozlarni boshlash ko‘zda tutilgan.Reyslar jadvali va aviachiptalar narxi haqida batafsil ma’lumotni aviakompaniyaning rasmiy saytidan topishingiz mumkin: centrum-air.com.Qo‘shimcha ma’lumot uchun:Telefon: (+998) 55−518−88−88Sayt: centrum-air.comFacebook: fb.com/centrumairlinesInstagram: @centrumairTelegram: t.me/centrumair

23 Mart, 2026Yo'nalish

Centrum Air Jahon chempionatida g‘alabaga erishgan o‘zbekistonlik xokkeychilarini Toshkentga olib keldi

Centrum Air aviakompaniyasi 10-mart kuni Guanchjoudan qaytayotgan o‘zbekistonlik xokkeychilarni Toshkentga olib keldi. Sportchilar vatanga aviakompaniyaning muntazam reysi bilan yetib kelishdi. Poytaxt xalqaro aeroportida jamoani muxlislar, sport hamjamiyati vakillari va rasmiylar kutib oldi.Xokkey bo‘yicha O‘zbekiston o‘smirlar terma jamoasi (U18) Gonkongda bo‘lib o‘tgan jahon chempionatida muvaffaqiyatli natijani qayd etishdi. Uchinchi divizion "A" guruhi turnirining hal qiluvchi o‘yinida o‘zbekistonlik xokkeychilar Isroil terma jamoasi ustidan 6:3 hisobida ishonchli g‘alaba qozonib, musobaqaning oltin medallarini qo‘lga kiritishdi. Turnir yakunlariga ko‘ra, terma jamoa 11 ochko jamg‘ardi va kelasi mavsumda jahon birinchiligining ikkinchi divizion "B" guruhida ishtirok etish huquqini qo‘lga kiritdi.Aviakompaniya mamlakatda sportni rivojlantirishda izchil ishtirok etib kelmoqda. Sportchilarni qo‘llab-quvvatlash aviakompaniya ijtimoiy missiyasining bir qismi hisoblanadi. Xususan, Centrum Air O‘zbekiston basketbol federatsiyasining rasmiy hamkori, “Andijon” futbol klubining titul homiysi hisoblanadi. O‘tgan yili Centrum Air xalqaro musobaqalarda ishtirok etib, vatanga qaytayotgan o‘zbekistonlik paralimpiyachilarnitashishni ta’minlagan edi.

10 Mart, 2026Kompaniya haqida

Centrum Air repatriatsiya reyslarini amalga oshirishda davom etmoqda

8-mart kuni aviakompaniya Ar-Riyod – Toshkent yo‘nalishi bo‘yicha repatriatsiya reysini amalga oshirdi. Mazkur reys bilan 6-mart kuni Doha – Toshkent yo‘nalishida ucha olmagan yo‘lovchilarning qaytishi ta’minlandi. C63020 raqamli maxsus reys parvoz tashkil etilayotgan vaqtda Doha aeroporti yopiq bo‘lgani sababli Ar-Riyoddan bajarildi. Buning uchun yo‘lovchilar dastlab Saudiya Arabistoni poytaxtiga yetkazildi va u yerdan aviakompaniya ularning Toshkentga parvozini tashkil qildi.Aviakompaniya aviatsiya rasmiylari va aeroport xizmatlari bilan muvofiqlashtirilgan holda parvoz xavfsizligi va yo‘lovchilarning O‘zbekistonga qaytishini ta’minladi.Ushbu ishlarning davomi sifatida 10-mart kuni Ar-Riyod – Toshkent yo‘nalishida qo‘shimcha reys rejalashtirilgan:10-martC63020 Ar-Riyod 06:00 – Toshkent 14:00Mazkur reys O‘zbekiston Respublikasining Qatar Davlati va Saudiya Arabistoni Podshohligidagi elchixonalari hamda O‘zbekiston Respublikasi Transport vazirligi tashabbusi bilan mintaqadagi fuqarolarni olib chiqish uchun tashkil etildi. Yo‘lovchilarning bir qismi Qatarga boshqa aviakompaniya reyslari bilan kelgan bo‘lib, hozirda Centrum Air ko‘magida O‘zbekistonga qaytish imkoniyatini kutmoqda.Parvozlar xavfsizligi va kutilmagan vaziyatlarda yo‘lovchilarni qo‘llab-quvvatlash aviakompaniyaning ustuvor vazifasi bo‘lib qoladi.Centrum Air yo‘lovchilarga tushunganlari va ishonch uchun minnatdorchilik bildiradi.

7 Mart, 2026Muhim

Centrum Air aviakompaniyasining rasmiy xabari

Yaqin Sharqdagi joriy vaziyat munosabati bilan Centrum Air aviakompaniyasi O‘zbekiston Respublikasi aeroportlaridan Saudiya Arabistoni, Birlashgan Arab Amirliklari, Qatar va Isroil aeroportlariga muntazam reyslarni amalga oshirishni vaqtincha to‘xtatadi. Hozirgi vaqtda aviakompaniya faqat 2026-yil 28-fevralga qadar uchib ketgan yo‘lovchilarni O‘zbekistonga qaytarish maqsadida reyslarni amalga oshirmoqda. Yuzaga kelishi mumkin bo‘lgan tushunmovchiliklar va moliyaviy xatarlarning oldini olish uchun faqat tekshirilgan ma’lumot manbalaridan foydalanishni hamda tekshirilmagan vositachilarga murojaat qilishdan tiyilishingizni qat’iy tavsiya qilamiz. Barcha masalalar bo‘yicha qo‘llab-quvvatlash xizmatiga murojaat qiling: ✉️ CUSTOMERCARE@centrum-air.com 📞 +998 55 518 88 88 Aviakompaniya vaziyatni diqqat bilan kuzatishda davom etadi va barcha o‘zgarishlar haqida yo‘lovchilarga qo‘shimcha ma’lumot beradi.

3 Mart, 2026Muhim

Centrum Air aviakompaniyasining rasmiy xabari

4 va 6-mart kunlari Dubaydan (4-mart) C6352 va Dohadan (6-mart) C63342 vatanga qaytarish reyslari Toshkentga amalga oshiriladi. 4-mart (mahalliy vaqt bilan) C6352 Dubay 10:25 — Toshkent 15:20 6-mart (mahalliy vaqt bilan) C63342 Doha 10:00 — Toshkent 15:15 Dubaydan reys faqat 28-fevral va 1-mart kunlari quyidagi reyslar bilan uchib keta olmagan yo‘lovchilarni olib chiqish uchun tashkil etilgan: 28-fevral C6322 Dubay — Toshkent C6358 Dubay — Samarqand 1-mart C6352 Dubay — Toshkent Call-markaz mutaxassislari yo‘lovchilar bilan bog‘lanib, zarur ma’lumotlarni taqdim etadi. Barcha masalalar bo‘yicha qo‘llab-quvvatlash xizmatiga murojaat qiling: ✉️ CUSTOMERCARE@centrum-air.com 📞 +998 55 518 88 88 Centrum Air ehtimoliy noqulayliklar uchun uzr so‘raydi va yo‘lovchilarga tushunganlari uchun minnatdorchilik bildiradi.

3 Mart, 2026Muhim

Centrum Air Hindistondagi SATTE-2026 xalqaro turistik ko‘rgazmasida ishtirok etdi

Centrum Air aviakompaniyasi Hindistonning Deli shahridagi Yashobhoomi ko‘rgazmalar markazida bo‘lib o‘tgan 33-Janubiy Osiyo sayohat va turizm ko‘rgazmasi SATTE-2026’da ishtirok etdi.SATTE ko‘rgazmasi mintaqa turizm sanoatidagi eng yirik tadbirlardan biri bo‘lib, har yili dunyoning o‘nlab mamlakatlaridan 2000 dan ortiq eksponentlarni birlashtiradi. Ushbu tadbirdagi ishtirok O‘zbekistonning turistik salohiyatini Hindiston bozorida targ‘ib qilish hamda turizm va aviatsiya sohasidagi ikki tomonlama aloqalarni rivojlantirish bo‘yicha amalga oshirilayotgan kompleks ishlarning bir qismiga aylandi.O‘zbekiston milliy paviloni doirasida Centrum Air vakillari Hindiston va Janubiy Osiyo mamlakatlarining turoperatorlari, turistik kompaniyalari va soha hamkorlari bilan ishchi uchrashuvlar o‘tkazdi. Muzokaralar davomida aviaaloqalarni kengaytirish istiqbollari, turistik marshrutlarni rivojlantirish va kelgusidagi hamkorlik imkoniyatlari muhokama qilindi.Xususan, 29-martdan boshlab aviakompaniya Toshkent – Deli yo‘nalishi bo‘yicha parvozlar chastotasini haftasiga uchta reysga oshiradi. Parvozlar seshanba, juma va yakshanba kunlari amalga oshiriladi va bu O‘zbekiston va Hindiston o‘rtasida yanada qulay aviaaloqani ta’minlash imkonini beradi.SATTE-2026’dagi ishtirok Centrum Air aviakompaniyasining Hindiston yo‘nalishiga bo‘lgan strategik qiziqishini hamda Hindiston va O‘zbekiston o‘rtasidagi sayyohlar oqimini oshirishga ko‘maklashish intilishini tasdiqlaydi.

2 Mart, 2026Kompaniya haqida

Aviakompaniyaning rasmiy murojaati

O‘zbekiston Respublikasi Transport vazirligi huzuridagi Fuqaro aviatsiyasi agentligining ko‘rsatmasiga muvofiq, Centrum Air aviakompaniyasining Jidda (JED) va Madina (MED) yo‘nalishlari bo‘yicha Saudiya Arabistoni Podshohligiga amalga oshiriladigan reyslari faqat yo‘lovchilarni olib chiqish maqsadida bajariladi. Ushbu reyslar avval Saudiya Arabistoni Podshohligiga uchib ketgan O‘zbekiston Respublikasi fuqarolarini repatriatsiya qilish (vatanga qaytarish) uchun mo‘ljallangan. Kelgusi o‘zgarishlar va yangilanishlar haqida rasmiy kanallar orqali qo‘shimcha ravishda xabar beriladi. Centrum Air aviakompaniyasi yetkazilgan noqulayliklar uchun uzr so‘raydi. Tushunganingiz uchun rahmat.

1 Mart, 2026Muhim

Centrum Air Toshkentda qahramon Xayrulla Ibodullayevni tantanali kutib oldi

Bugun, 2026-yil 28-fevral kuni Toshkent xalqaro aeroportida Sankt-Peterburgda ko‘rsatgan jasorati bilan barchaning e’tirofiga sazovor bo‘lgan hamyurtimiz Xayrulla Ibodullayevni tantanali kutib olish marosimi bo‘lib o‘tdi.O‘z hayotini xavf ostiga qo‘yib, yetti yoshli bolakayni qutqargan Xayrulla yuksak matonat va fidoyilik namunasini ko‘rsatdi. Aeroportda uni aviakompaniya vakillari, jurnalistlar, yaqinlari hamda ushbu qahramonlik uchun o‘z minnatdorchiligi va hurmatini bildirishga kelgan ko‘plab fuqarolar kutib olishdi.Ko‘rsatgan jasorati uchun u O‘zbekiston Respublikasi Prezidenti Shavkat Mirziyoyevning farmoniga binoan «Jasorat» davlat medali bilan taqdirlandi.Uning qahramonligi va yuksak fuqarolik mas’uliyati uchun cheksiz minnatdorchilik belgisi sifatida Centrum Air aviakompaniyasi Xayrullaga besh yil davomida yo‘nalishlar tarmog‘idagi barcha parvozlar uchun bepul chiptalar taqdim etuvchi shaxsiy sertifikatni topshirdi. Bundan tashqari, Centrum Holidays turoperatori qahramonning oilasiga maxsus sovg‘a — Xayrulla Ibodullayevning ota-onasi uchun Umra ziyoratiga yo‘llanma tuhfa etdi.Tantanali taqdirlash marosimi samimiy hurmat va qo‘llab-quvvatlash ruhida o‘tdi, OAV vakillari esa qahramon bilan shaxsan muloqot qilish imkoniga ega bo‘lishdi.Centrum Air o‘z hamyurti bilan faxrlanadi, insoniy qadriyatlarni doimo qo‘llab-quvvatlaydi hamda Xayrulla va uning oilasiga, shuningdek, barcha yo‘lovchilarga sog‘lik, omonlik va xavfsiz sayohatlar tilaydi.

28 Fevral, 2026Muhim

Centrum Air yo‘nalishlar tarmog‘ini optimallashtirib, reyslarning bir qismini Samarqanddan poytaxtga ko‘chiradi

Centrum Air aviakompaniyasi 2026-yilgi bahor-yoz mavsumiga tayyorgarlik hamda yo‘nalishlar tarmog‘ini rejali optimallashtirish doirasida flotning bazalanish tuzilmasi va parvozlar jadvalidagi o‘zgarishlar haqida xabar beradi.Operatsion samaradorlikni oshirish, tutash reyslar imkoniyatini yaxshilash va resurslarni aviakompaniyaning asosiy xabida jamlash maqsadida avval Samarqanddan bajarilgan reyslarning bir qismi Toshkentdan uchishga o‘tkaziladi.Yangi modelga o‘tish munosabati bilan Samarqanddan Istanbul, Dubay va Moskvaga (Domodedovo) parvozlar amaldagi formatda yakunlanadi (29-martdan).Samarqand – Vladivostok va Samarqand – Sochi reyslari 2026-yilgi bahor-yoz jadvali doirasida qatnovlar soni saqlab qolingan holda Toshkentdan bajarilishda davom etadi (1-apreldan).Samarqand – Tel-Aviv reysi o‘zgarishsiz qoladi va amaldagi jadval asosida bajariladi.Operatsiyalarning bir qismini Toshkentga ko‘chirish aviakompaniyaga yanada barqaror jadvalni ta’minlash, transfer yo‘lovchilar uchun keng imkoniyatlar yaratish, shuningdek, parvozlar muntazamligi va flotdan foydalanish samaradorligini oshirish imkonini beradi.Avval Samarqanddan uchuvchi reyslarga chipta xarid qilgan yo‘lovchilarga mablag‘ni 100% qaytarish yoki Toshkentdan uchadigan muqobil reyslarga bepul qayta bron qilish taklif etiladi.Qaytarish yoki qayta rasmiylashtirish masalalari bo‘yicha qo‘llab-quvvatlash xizmatiga murojaat qilish mumkin: CUSTOMERCARE@centrum-air.com +998 55 518 88 88Centrum Air yuzaga kelishi mumkin bo‘lgan noqulayliklar uchun uzr so‘raydi va yo‘lovchilarga tushunganlari uchun minnatdorchilik bildiradi.

26 Fevral, 2026Kompaniya haqida