HammasiKompaniya haqidaYo'nalishMuhimBoshqaHamkorlarAksiyalar

Yangiliklar

Centrum Air floti yangi havo kemasi bilan boyidi

15 May, 2026Kompaniya haqida

Centrum Air aviakompaniyasi Tailand reyslari uchun maxsus chegirmalarni e’lon qiladi

Centrum Air aviakompaniyasi ikkita mashhur yo‘nalish: Toshkent – Bangkok va Toshkent – Phuket bo‘yicha aviachiptalarga maxsus aksiya boshlanganini e’lon qiladi.Aksiya shartlari:Toshkent – Bangkok va Toshkent – Phuket yo‘nalishlarida barcha yo‘lovchilar uchun aviachiptalarga 25% chegirma amal qiladi.2 yoshdan 11 yoshgacha bo‘lgan yosh sayohatchilar uchun esa kengaytirilgan – 45% gacha chegirma taqdim etiladi.Chegirmalar ham bir tomonga, ham borish-kelish chiptalariga amal qiladi.Aksiya muddati:– Chiptalarni sotib olish davri: 2026-yil 11 – 31-may.– Parvoz qilish davri: 2026-yil 11-maydan 31-iyulgacha.Chiptalarni aviakompaniyaning rasmiy saytida sotib olishingiz mumkin: centrum-air.com

13 May, 2026Aksiyalar

Centrum Air Pokistonning yetakchi sayyohlik agentliklari delegatsiyasini qabul qildi

Pokistonning yirik sayyohlik agentliklari vakillari, yetakchi kompaniya raislari va bosh direktorlari Centrum Air aviakompaniyasining Toshkentdagi idorasiga tashrif buyurishdi. Tashrifdan ko‘zlangan maqsad — hamkorlik istiqbollarini muhokama qilish hamda Pokistondan O‘zbekistonga sayyohlar oqimini ko‘paytirishdan iborat.Pokiston delegatsiyasiga KPK sayyohlik agentliklari uyushmasi raisi janob Abid Ud Din boshchilik qildi. Uchrashuv davomida tomonlar Centrum Air yo‘nalishlar tarmog‘ini rivojlantirish, Toshkent orqali qulay tranzit reyslarini yo‘lga qo‘yish hamda ikki davlat o‘rtasidagi sayyohlik aloqalarini yanada mustahkamlash imkoniyatlarini muhokama qildilar.Pokiston fuqarolarining O‘zbekistonga bo‘lgan qiziqishi ortib borayotganiga alohida e’tibor qaratildi. Boy madaniy meros, tarixiy shaharlar va an’anaviy mehmondo‘stlik tufayli O‘zbekiston mintaqadagi eng jozibador sayyohlik yo‘nalishlaridan biri hisoblanadi. Shuningdek, tomonlar turizmning alohida yo‘nalishlari: ayollar guruhlari, ziyorat turizmi, oilaviy va madaniy-ma’rifiy sayohatlarni rivojlantirish masalalarini ham ko‘rib chiqdilar.Eslatib o‘tamiz, Centrum Air aviakompaniyasi 2026-yil 21-apreldan buyon Toshkent – Lahor – Toshkent yo‘nalishi bo‘yicha muntazam parvozlarni amalga oshirib kelmoqda. Reyslar haftasiga ikki marta — seshanba va juma kunlari bajarilmoqda.Centrum Air turizm sohasini rivojlantirish va xalqaro aloqalarni kengaytirish, sayyohlik tarmog‘i vakillari bilan sheriklik aloqalarini o‘rnatish hamda sayohatchilar uchun yangi imkoniyatlar yaratishga faol hissa qo‘shishda davom etmoqda.

11 May, 2026Hamkorlar

Centrum Air qahramonlar xotirasini yod etadi

9-may – Xotira va qadrlash kuni munosabati bilan Centrum Air aviakompaniyasining parvoz ekipajlari va xodimlari Toshkentdagi Mustaqillik maydonida joylashgan Motamsaro ona haykali poyiga gullar qo‘ydilar.Ushbu sana – tinchlik yo‘lida jon fido qilgan barcha insonlarga bo‘lgan cheksiz hurmat ramzidir. Biz uchun bu xotirani asrab-avaylash va uni kelajak avlodlarga yetkazish g‘oyat muhim.Centrum Air qahramonlar jasoratini qadrlaydi va o‘sha suronli yillarni boshidan kechirgan barcha insonlar oldida ta’zim qiladi.

9 May, 2026Muhim

Toshkent – Frankfurt reyslari Frankfurt aeroportining 3-terminaliga o‘tkazilmoqda

8-maydan Toshkent ↔️ Frankfurt yo‘nalishi boʻyicha barcha reyslarga Frankfurt aeroportining 3-terminali orqali xizmat koʻrsatilishini maʼlum qilamiz.Eslatib o‘tamiz, avval rasmiylashtirilgan chiptalar yoki yo‘nalish kvitansiyalarida boshqa terminal ko‘rsatilgan bo‘lishi mumkin. Bunday holatda sizdan dolzarb ma’lumotga tayanishni so‘raymiz — barcha reyslar 3-terminal orqali amalga oshiriladi.Uchish ma’lumotlarini oldindan tekshirishni va sayohatni rejalashtirishda ushbu o‘zgarishni hisobga olishni tavsiya qilamiz.

4 May, 2026Muhim

May oyida Toshkent – Istanbul reyslarida bagaj tashish me’yorlari oshirildi

Centrum Air aviakompaniyasi may oyi davomida Toshkent ↔ Istanbul yo‘nalishidagi reyslarda bagaj tashish me’yorlari vaqtinchalik oshirilganini e’lon qiladi.Yo‘lovchilar uchun maxsus taklif doirasida quyidagi shartlar amal qiladi:Optimal tarifi bo‘yicha — har biri 23 kg dan bo‘lgan 2 ta bagaj joyi;Comfort tarifi bo‘yicha — har biri 32 kg dan bo‘lgan 2 ta bagaj joyi.Bundan tashqari, Istanbuldan amalga oshiriladigan reyslarda Comfort tarifi uchun qo‘shimcha 10% chegirma taqdim etiladi.Ushbu tashabbus sayyohlar, ayniqsa, xarid (shoping), dam olish va ishbilarmonlik tashriflari uchun mashhur yo‘nalish bo‘lgan Istanbulga safar qiluvchilar uchun yanada qulay sharoitlar yaratishga qaratilgan.Chiptalarni aviakompaniyaning rasmiy saytida band qilish mumkin.

3 May, 2026Aksiyalar

Centrum Air xitoylik mehmonlar uchun toʻlov usullarni kengaytirdi: endi chiptalarni WeChat orqali yuanda sotib olish mumkin

Centrum Air aviakompaniyasi xalqaro yo‘lovchilarga xizmat ko‘rsatish sifatini oshirishda davom etmoqda va aviachiptalar hamda qo‘shimcha xizmatlar to‘lovi uchun mavjud valyutalar ro‘yxati kengaytirilganini e’lon qiladi.Endilikda aviachiptalar va qo‘shimcha xizmatlar uchun to‘lovlarni Xitoyning eng mashhur WeChat ilovasi orqali bemalol yuanda (CNY / ¥) amalga oshirish imkoniyati paydo bo‘ldi.Mazkur yangilik O‘zbekistonga Xitoydan kelayotgan sayyohlar oqimi keskin ortayotgani sababli joriy etildi. Ma’lumotlarga ko‘ra, yil boshidan buyon xitoylik sayyohlar soni 3,5 baravarga ko‘paygan.Yuan orqali to‘lov qilish imkoniyati esa xitoylik mehmonlar uchun chipta band qilishni yanada osonlashtiradi va xorijlik yoʻlovchilarga aviakompaniya xizmatlaridan foydalanishda katta qulaylik yaratadi.

1 May, 2026Muhim

Centrum Air Qo‘stanayga parvozlarni yo‘lga qo‘ymoqda

Centrum Air aviakompaniyasi Toshkent – Qo‘stanay – Toshkent yo‘nalishi bo‘yicha yangi xalqaro qatnov ochilganini e’lon qiladi.Birinchi reys 13-iyun kuni boʻlib oʻtadi, parvozlar esa haftada bir marta – shanba kunlari qulay Airbus A320 samolyotlarida amalga oshiriladi.Borish-qaytish aviachiptalarining narxi 1 883 819 so'mdan boshlanadi.Qo‘stanayga yangi reysning ochilishi Centrum Air uchun Qozog‘istondagi beshinchi yo‘nalish bo‘ldi. Bu aviakompaniya parvozlar tarmog‘i kengayayotgani hamda ikki davlat o‘rtasidagi transport, iqtisodiy va turistik aloqalar mustahkamlanayotganini ko‘rsatadi.Qo‘stanay — boy tarixiy meros, qulay shahar va shimoliy Qozog‘istonning go‘zal tabiatini o‘zida jamlagan hududdir. Bu yer o‘zining bepoyon dashtlari, musaffo ko‘llari va qarag‘ayzorlari bilan mashhur. Shahar esa shinam muhiti, yashil bog‘lari, Tobol daryosi sohili va zamonaviy infratuzilmasi bilan sayyohlarni jalb qilib kelmoqda.Chiptalarni aviakompaniyaning rasmiy saytida band qilish mumkin.

29 Aprel, 2026Yo'nalish

Centrum Air yangi yo‘nalish ochilishi munosabati bilan Antaliyaga maxsus reysni amalga oshirdi

Centrum Air aviakompaniyasi yangi Toshkent – Antaliya yo‘nalishi ochilishiga bag‘ishlangan keng ko‘lamli tadbirni o‘tkazish uchun Antaliyaga maxsus reys tashkil etdi. Mazkur reys bilan Turkiyaga taklif etilgan mehmonlar, jumladan, turizm sohasi vakillari, hamkorlar, blogerlar va OAV xodimlari yetkazildi.27-aprel kuni Gloria Verde Resort mehmonxonasida bo‘lib o‘tadigan gala-kecha mavsumning asosiy turistik voqealaridan biriga aylanadi. Marosimda 200 dan ziyod mehmonlar, jumladan,  Centrum Holidays’ning yetakchi turistik agentlari ishtirok etadi.Toshkent – Antaliya yo‘nalishi bo‘yicha muntazam qatnovlarni 2026-yil 15-maydan boshlab yoʻlga qoʻyish rejalashtirilgan. Birinchi bosqichda parvozlar haftasiga 2 marta, 29-maydan esa har kuni amalga oshiriladi.Parvozlar 347 nafargacha yo‘lovchini tashiy oladigan, yuqori darajadagi qulaylikka ega hamda uzoq masofali parvozlar uchun mo‘ljallangan zamonaviy keng fyuzelyajli Airbus A330 samolyotlarida amalga oshiriladi.Barcha turlar Centrum Holidays’dan parvoz va yashash xarajatlarini o‘z ichiga olgan tayyor turpaketlar shaklida taqdim etiladi. Yo‘lovchilar kompaniyaning onlayn platformasi orqali mos mehmonxona va dam olish formatini tanlashlari mumkin.Turpaketning minimal narxi bir kishi uchun 11,4 mln so‘mdan boshlanadi.Dastur doirasida parvoz uchun jozibador shartlar ko‘zda tutilgan:bagaj me’yori – 60 kg gacha (weight concept): umumiy vaznga rioya qilgan holda cheklanmagan miqdordagi yuk o‘rinlari;qo‘l yuki – 8 kg gacha;2 yoshgacha bo‘lgan bolalar uchun parvoz bepul (alohida o‘rindiqsiz);2 yoshdan 11 yoshgacha (shu jumladan) bo‘lgan bolalar uchun tarifdan 1,2 mln so‘m chegirma beriladi.Takliflar, mehmonxonalar va parvoz sanalari haqida qo‘shimcha ma’lumotlarni Centrum Holidays platformasidan olishingiz mumkin.Ma’lumot uchun kontaktlar:Telefonlar: +998772820880, +998772810880, +998702000880Sayt | Instagram | Telegram

27 Aprel, 2026Yo'nalish

Centrum Air Tel-Avivga parvozlarni qayta tiklamoqda

Centrum Air aviakompaniyasi Toshkent va Samarqanddan Tel-Avivga to‘g‘ridan to‘g‘ri parvozlar qayta tiklanganini e’lon qiladi.Parvozlar dasturi 3-maydan boshlanadi: reyslar muntazam ravishda haftasiga uch marta – seshanba kunlari Toshkentdan, chorshanba va yakshanba kunlari Samarqanddan qulay Airbus A320 samolyotlarida amalga oshiriladi.Parvozlar O‘zbekiston Respublikasi Transport vazirligi huzuridagi Fuqaro aviatsiyasi agentligidan ushbu yo‘nalish bo‘yicha parvozlarni amalga oshirish uchun rasmiy ruxsatnoma olingani ortidan qayta tiklandi.Toshkent – Tel-Aviv va Samarqand – Tel-Aviv yo‘nalishlari an’anaviy ravishda yo‘lovchilar, jumladan, sayyohlik, ishbilarmonlik va shaxsiy safarlar uchun talabgir hisoblanadi. Aviatashuvlarning tiklanishi mamlakatlar o‘rtasida qulay transport aloqasini qayta yo‘lga qo‘yish imkonini beradi.Borish va qaytish aviachiptalari narxi 5,7 mln so‘mdan boshlanadi.Chiptalarni aviakompaniyaning rasmiy saytida band qilish mumkin.

26 Aprel, 2026Yo'nalish

Centrum Holidays Antaliya turlari dasturini kengaytirmoqda

Centrum Holidays Centrum Air aviakompaniyasining Toshkent – Antaliya – Toshkent yo‘nalishi bo‘yicha to‘g‘ridan-to‘g‘ri reyslari asosidagi Antaliya turistik dasturi kengaytirilganini e’lon qiladi.2026-yil 15-maydan boshlanadigan parvozlar dasturining birinchi bosqichida reyslar haftasiga 2 marta, seshanba va juma kunlari keng fyuzelyajli qulay Airbus A330 samolyotlarida amalga oshiriladi.29-maydan boshlab esa dastur har kunlik reyslargacha kengaytiriladi.Barcha turlar Centrum Holidays’dan parvoz va yashashni o‘z ichiga olgan tayyor turpaketlar formatida taqdim etiladi.Sayohatchilar kompaniyaning onlayn platformasi orqali mos mehmonxona va dam olish formatini tanlashlari mumkin.Turpaketning minimal narxi bir kishi uchun 11,4 mln so‘mdan boshlanadi.Dastur doirasida quyidagi jozibador parvoz shartlari ko‘zda tutilgan:• Bagaj me’yori 60 kg gacha (weight concept): yo‘lovchilar bagajining umumiy vazni belgilangan me’yordan oshmasa, cheklanmagan miqdordagi bagaj o‘rinlarini tashishlari mumkin;• qo‘l juki 8 kg gacha;• 2 yoshgacha bo‘lgan bolalar uchun parvoz bepul taqdim etiladi (alohida joy ajratilmagan holda);• 2 yoshdan 11 yoshgacha (shu jumladan) bo‘lgan bolalar uchun – asosiy tarifdan 1 200 000 so‘m chegirma.Takliflar, mehmonxonalar va parvoz sanalari haqidagi qo‘shimcha ma’lumotlar Centrum Holidays platformasida mavjud.Ma’lumot uchun kontaktlar:Telefonlar: +998772820880, +998772810880, +998702000880Sayt          Instagram          Telegram

22 Aprel, 2026Yo'nalish

«Ezgulik shopperi»: Centrum Air mushuklar boshpanasini qo‘llab-quvvatlash uchun xayriya tashabbusini boshlamoqda

Centrum Air aviakompaniyasi Toshkentdagi @milie_koshki.uz mushuklar boshpanasini qo‘llab-quvvatlashga qaratilgan «Ezgulik shopperi» xayriya tashabbusi ishga tushirilganini e’lon qiladi.Loyiha doirasida maxsus shopperlar tayyorlangan bo‘lib, ular ko‘rsatilgan yordam uchun minnatdorchilik belgisi sifatida ishtirokchilarga taqdim etiladi.Xayr-ehson sifatida o‘tkazilgan barcha mablag‘lar to‘g‘ridan-to‘g‘ri boshpanaga yo‘naltiriladi va hayvonlarni parvarish qilish, davolash hamda boqish uchun sarflanadi.Tashabbusda xohlagan kishi ishtirok etishi mumkin. Buning uchun quyidagilar talab etiladi:• «Yordam bermoqchiman» matni bilan izoh qoldirish;• tashkilotchilardan yo‘riqnomani qabul qilib olish;• QR-kod orqali istalgan summani to‘g‘ridan-to‘g‘ri boshpanaga o‘tkazish;• o‘tkazma amalga oshirilganini tasdiqlash.Shundan so‘ng ishtirokchi Centrum Air’dan shopperni qabul qilib oladi.Arizalar ko‘rib chiqilgach, shopperlarni Toshkentdagi quyidagi nuqtalardan olish mumkin:• Pet Zoo hayvonot do‘konlari tarmog‘i (har kuni soat 10:00 dan 20:00 gacha);• Kotokafe (Oqqo‘rg‘on ko‘chasi, 10; soat 10:00 dan 22:00 gacha);• Centrum Air ofisi (Oybek ko‘chasi, 38; ish kunlari soat 10:00 dan 19:00 gacha).Eslatib o‘tamiz, shopperlar boshpana hududida berilmaydi.Alohida ta’kidlash joizki, Centrum Air mablag‘ yig‘ish jarayonida ishtirok etmaydi — barcha xayriya mablag‘lari to‘g‘ridan-to‘g‘ri @milie_koshki.uz boshpanasiga yuboriladi, bu esa shaffoflik va yordamning manzilliligini ta’minlaydi.«Ezgulik shopperi» tashabbusi — bu qiyin vaziyatga tushib qolgan hayvonlarni qo‘llab-quvvatlash, shuningdek, uy hayvonlariga nisbatan mas’uliyatli munosabatda bo‘lish masalalariga e’tiborni qaratishning oddiy va oson usulidir.Centrum Air barcha befarq bo‘lmaganlarni loyihaga qo‘shilishga va birgalikda ezgu ishga hissa qo‘shishga taklif etadi.

21 Aprel, 2026Muhim

Centrum Air Toshkent va Lahor o‘rtasida to‘g‘ridan to‘g‘ri reyslarni yo‘lga qo‘ydi

Centrum Air yangi xalqaro yo‘nalish – Toshkent–Lahor to‘g‘ridan-to‘g‘ri reyslarini yo‘lga qo‘yganini e’lon qiladi, ilk parvoz 2026-yil 21-aprel kuni amalga oshirildi.Birinchi reys aeroportda aviakompaniya va hamkorlar vakillari ishtirokida tantanali ochilish marosimi bilan nishonlandi. Jumladan, yangi yo‘nalish ochilishi munosabati bilan yo‘lovchilar bayramona kutib olindi, ramziy tarzda tort kesildi va mazkur reyslarning ahamiyati alohida e'tirof etildi.Tadbirda O‘zbekistonning Favqulodda va Muxtor Elchisi janob Alisher To‘xtayev, O‘zbekistonning Pokistondagi turizm elchisi, O‘zbekistonning Panjobdagi Faxriy konsuli, Centrum Air vakillari, shuningdek, Lahor aeroporti rahbariyati, immigratsiya va xavfsizlik xizmatlarining ishtirok etgani bu boradagi hamkorlik yuqori darajada ekanini yana bir bor tasdiqladi.Yangi yo‘nalish ham turistik, ham ta’lim va ishbilarmonlik maqsadlaridagi yo‘lovchilar, jumladan, tibbiyot oliygohlari talabalari va mustaqil sayyohlar uchun mo‘ljallangan.Haftasiga 2 marta – seshanba va juma kunlari zamonaviy Airbus A320 samolyotlarida amalga oshiriluvchi parvozlar O‘zbekiston va Pokiston o‘rtasida qulay va ishonchli aviaga aloqani ta’minlaydi.Bundan tashqari, yo‘lovchilar Toshkent orqali boshqa xalqaro yo‘nalishlar – Frankfurt, Guanchjou, Moskva, Sankt-Peterburg hamda Janubi-Sharqiy Osiyoning bir qator shaharlariga qulay almashinuv reyslaridan foydalanishlari ham mumkin. Shu tariqa Toshkent mintaqaviy tranzit xabi sifatidagi rolini ham mustahkamlab bormoqda.Pokiston bozoridagi faoliyatini kengaytirish doirasida Centrum Air mamlakatning yetakchi aviatsiya hamkorlaridan biri – Gerry’s Group bosh agenti bilan hamkorlikda rasmiy vakolatxonasini ochdi.Lahor – Toshkent yo‘nalishi bo‘yicha aviachiptalar narxi ning 1 450 000 so‘mdan boshlanishi yo‘nalishni ham sayyohlik, ham ishbilarmonlik safarlari uchun jozibador qiladi.Aviachiptalarni rasmiy centrum-air.com saytida band qiling.

20 Aprel, 2026Yo'nalish

Centrum Air yangi Farg‘ona – Istanbul yo‘nalishini ishga tushirdi

Centrum Air aviakompaniyasi yo‘nalishlar tarmog‘ini kengaytirmoqda va yangi Farg‘ona – Istanbul xalqaro yo‘nalishi ishga tushirilganini e’lon qiladi. Mazkur yo‘nalish bo‘yicha ilk parvoz 14-aprel kuni amalga oshirildi.Muntazam parvozlar haftasiga ikki marta – seshanba va shanba kunlari qulay Airbus A320 samolyotlarida amalga oshirilmoqda.Yangi yo‘nalish ochilishi munosabati bilan Istanbul aeroportida ilk reysni tantanali kutib olish marosimi hamda inauguratsiya tadbiri tashkil etildi.Farg‘ona – Istanbul yo‘nalishining yo‘lga qo‘yilishi Farg‘ona vodiysi yo‘lovchilari uchun qo‘shimcha imkoniyatlar yaratib, dunyoning eng yirik xalqaro aviatsiya xablaridan biri va ommabop turistik manzili bilan qulay aloqani ta’minlaydi.Aviakompaniya parvozlar geografiyasini izchil kengaytirishda davom etib, yo‘lovchilarga sayohat va xizmat safarlari uchun yangi yo‘nalishlarni taklif etmoqda.

13 Aprel, 2026Yo'nalish

Centrum Holidays Centrum Air reyslarida Antaliyaga to‘g‘ridan-to‘g‘ri parvozli turlarni yo‘lga qo‘ymoqda

Centrum Holidays operatori Centrum Air reyslari bilan Toshkent – Antaliya – Toshkent yo‘nalishida to‘g‘ridan-to‘g‘ri aviaqatnovlarni o‘z ichiga olgan yangi turistik mahsulot ishga tushirilganini e’lon qiladi. Dastur 2026-yilning 29-mayidan 29-sentyabriga qadar amalga oshiriladi.Parvozlar haftasiga 5 marta – dushanba, seshanba, payshanba, juma va yakshanba kunlariga rejalashtirilgan. Zamonaviy va keng fyuzelyajli Airbus A330 samolyotlarida toʻgʻridan-toʻgʻri amalga oshiriladigan reyslar parvoz vaqtini qisqartirib, yo‘lovchilar uchun qulaylik yaratadi.Barcha turlar onlayn sotuvda mavjud bo‘lib, sayohatchilar o‘zlariga mos mehmonxona va dam olish formatini tanlashlari mumkin. Sotuvlar Centrum Holidays kompaniyasining parvoz va yashashni o‘z ichiga olgan tayyor turpaketlari shaklida amalga oshirilmoqda.Turpaketning minimal narxi bir kishi uchun 11 700 000 so‘mdan boshlanadi.Takliflar, mehmonxonalar va uchish sanalari haqida qo‘shimcha ma’lumotlarni Centrum Holidays sahifalaridan olish mumkin.Ma’lumot uchun:Telefonlar: +998772820880, +998772810880, +998702000880SaytInstagramTelegram

10 Aprel, 2026Yo'nalish

Centrum Air'dan yangi loyiha: ilk samolyotga Amir Temur nomi berildi

Centrum Air aviakompaniyasi tarixiy va madaniy qadriyatlarni qo‘llab-quvvatlashga qaratilgan yangi tashabbus boshlanganini e’lon qiladi. Mazkur loyiha doirasida aviakompaniya havo kemalariga buyuk tarixiy shaxslarning nomlari beriladi.Ushbu tashabbus doirasida nom berilgan birinchi havo kemasi UK32070 ro‘yxat raqamiga ega Airbus yo‘lovchi samolyoti bo‘ladi. Unga buyuk davlat arbobi va sarkarda — Amir Temur nomi beriladi. Mazkur tanlov ramziy ma’noda u zotning tavallud ayyomiga to‘g‘ri keladi.Mazkur tashabbus tarixiy merosni ommalashtirishga qaratilgan bo‘lib, ajdodlarimiz tarixi va ularning hissasiga hurmatni aks ettiradi hamda kompaniya qadriyatlari va madaniy missiyasining muhim qismi hisoblanadi.Amir Temur tarixga buyuk sarkarda va davlat arbobi sifatida kirgan bo‘lib, uning davrida Samarqand ilm-fan, madaniyat va savdo-sotiqning muhim markaziga aylangan, Sharq va G‘arb o‘rtasidagi xalqaro aloqalar esa faol rivojlangan. Bugungi kunda aviatsiya ko‘p jihatdan aynan shu missiyani davom ettirib, mamlakatlarni bog‘lamoqda, xalqaro aloqalar va madaniy almashinuvni mustahkamlashga xizmat qilmoqda.Centrum Air asoschisi va bosh direktori Abdulaziz Abduraxmanov shunday dedi:«Tariximizdagi buyuk shaxslar madaniyatlarni birlashtirgani, savdo-sotiqni rivojlantirgani va xalqlar o‘rtasidagi aloqalarni mustahkamlagani kabi aviatsiya ham shaharlar va mamlakatlarni birlashtiradi. Samolyotlarimizdan biriga Amir Temur nomining berilishi — bu merosga bo‘lgan hurmat belgisi, shuningdek, insonlarni birlashtirish hamda yangi ufqlarni ochish missiyasini davom ettirayotganimiz ramzidir».Mazkur tashabbus doirasida xoldingning barcha 25 ta havo kemasiga, jumladan, My Freighter yuk aviakompaniyasi flotiga ham ulug‘ tarixiy shaxslarning nomlari beriladi. Samolyotlar davlatchilik, fan, madaniyat va xalqaro aloqalar rivojiga ulkan hissa qo‘shgan buyuk ajdodlarimiz nomlari bilan ataladi. Shu tariqa Centrum Air mamlakatning boy tarixiy merosini xalqaro maydonda tanitib, o‘ziga xos madaniy missiyani amalga oshiradi.

9 Aprel, 2026Kompaniya haqida

Centrum Air ayrim yoʻnalishlarda yoqilgʻi yigʻimlari va tariflar darajasiga tuzatishlar kiritdi

Centrum Air aviakompaniyasi ayrim xalqaro yoʻnalishlarda yoqilgʻi yigʻimlariga tuzatishlar kiritilganini maʼlum qiladi. Mazkur qaror jahon bozorlarida aviatsiya yoqilgʻisi narxining sezilarli darajada oshishi munosabati bilan qabul qilindi.Oʻzgarishlar yoqilgʻi narxining dinamikasi operatsion xarajatlarga eng koʻp taʼsir koʻrsatgan bir qator muntazam yoʻnalishlarga tegishlidir. Yoqilgʻi yigʻimining korreksiyalanishi ortib borayotgan xarajatlarni qisman qoplash va parvozlar dasturining barqaror bajarilishini taʼminlashga qaratilgan.Shu bilan birga, aviachiptalarning bazaviy tariflari raqobatbardoshligicha qoladi, kiritilgan oʻzgarishlar esa cheklangan xarakterga ega boʻlib, faqat ayrim belgilangan yoʻnalishlar boʻyicha qoʻllaniladi. Aviakompaniya xarajatlarni optimallashtirish va yoʻlovchilar uchun tashuvlar narxiga tashqi omillar taʼsirini minimallashtirish choralarini koʻrmoqda.Centrum Air taʼkidlashicha, ushbu qaror parvozlar jadvali barqarorligini saqlash, parvozlar xavfsizligining yuqori darajasini qoʻllab-quvvatlash va aviatsiya yoqilgʻisi narxlari oʻzgaruvchan boʻlgan sharoitda operatsion faoliyat uzluksizligini taʼminlash imkonini beradi.

3 Aprel, 2026Muhim

Centrum Air Frankfurtga ilk parvozni amalga oshirdi

Centrum Air aviakompaniyasi 30-mart kuni Toshkent – Frankfurt yo‘nalishi bo‘yicha ilk muntazam parvozini muvaffaqiyatli amalga oshirib, rasman o‘zining birinchi Yevropa yo‘nalishini ochdi. Reysning yo‘lga qo‘yilishi aviakompaniyaning xalqaro yo‘nalishlar tarmog‘ini kengaytirish va Yevropa bozoriga chiqishida muhim bosqich bo‘ldi.Birinchi reys munosabati bilan aeroportda yo‘lovchilarni tantanali kutib olish marosimi tashkil etildi: mehmonlar bayramona bezaklar, tort va shirinliklar bilan qarshi olindi. Ko‘tarinki ruhda o‘tgan tadbir yangi yo‘nalishning ahamiyatini ta’kidladi. Inauguratsiya marosimida O‘zbekiston Respublikasining Frankfurt-Mayndagi Bosh konsuli Miranshoh Raupov, Fraport vakili – aviakompaniyalar bilan ishlash bo‘limi rahbari Kristina Morat, Swissport vakili Hikmet Karakelle, Sky Line Air Services – GSA Centrum Air vakili Mohamed Bayoumi, shuningdek, Centrum Air mintaqaviy vakolatxonalari va xorijiy idoralari koordinatori O‘tkur Alimov ishtirok etdi.Toshkent va Frankfurt o‘rtasidagi parvozlar haftasiga ikki marta zamonaviy Airbus A321neo havo kemalarida amalga oshiriladi. Yangi yo‘nalish O‘zbekiston va Yevropa o‘rtasidagi transport aloqalarini mustahkamlab, ishbilarmonlik va turistik safarlar uchun qo‘shimcha imkoniyatlar yaratadi.

3 Aprel, 2026Yo'nalish

Centrum Air xavfsizlik madaniyatini shakllantirish maqsadida Train-the-Trainer CRM dasturini joriy etmoqda

London, Buyuk Britaniya, 2026-yil 4-mart — Centrum Air Acron Aviation kompaniyasi koʻmagida yoʻriqchilar (instruktorlar) tayyorlash (train-the-trainer) boʻyicha kompleks dasturni muvaffaqiyatli yakunladi. Buning natijasida ichki oʻquv jamoamiz uchuvchilar uchun ekipaj resurslarini boshqarish (CRM) boʻyicha treninglarni mustaqil oʻtkazish uchun zarur bilim va koʻnikmalarga ega boʻldi.Ushbu tashabbus Centrum Air’da xavfsizlik madaniyatini rivojlantirishda muhim qadam boʻlib, yoʻriqchilarga CRM boʻyicha oʻqitishni, jumladan, inson omili masalalarini barqaror ichki asosda olib borish uchun vositalar, bilim va koʻnikmalarni taqdim etdi.Acron Aviation’ning CRM sohasida ekspertizaga ega boʻlgan maxsus jamoasi moslashtirilgan oʻquv dasturini ishlab chiqdi, yoʻriqchilar uchun qator treninglar oʻtkazdi va Centrum Air’ning yangi sertifikatlangan yoʻriqchilari bilan birgalikda joriy etishning dastlabki bosqichini qoʻllab-quvvatladi.Hamkorlikdagi bunday yondashuv ham tezkor operatsion tayyorgarlikni, ham oʻqitish tizimining uzoq muddatli barqarorligini taʼminlaydi.Acron Aviation prezidenti Devid Kouard shunday dedi:«Aviakompaniyalarning oʻz oʻquv tizimini yaratish imkoniyatlarini kengaytirish mijozlar uchun uzoq muddatli qiymatni shakllantirish falsafamizning asosiy elementidir. Centrum Air jamoasini mustaqil ravishda CRM-treninglar oʻtkazish imkoniyati bilan taʼminlash orqali nafaqat bugungi operatsion xavfsizlik va samaradorlikni oshiramiz, balki ularning uzoq muddatli oʻsish ambitsiyalarini ham qoʻllab-quvvatlaymiz».U, shuningdek: «Mazkur dastur uzoq muddatli sheriklik aloqalarini oʻrnatishga boʻlgan sodiqligimizni aks ettiradi — biz mijozlarimiz bilan yelkama-yelka ishlab, ularning tashkilotini kelgusi yillar davomida mustahkamlaydigan barqaror yechimlar yaratamiz», — deb qoʻshimcha qildi.Centrum Air uchun afzalliklar faqat operatsion samaradorlik bilan cheklanib qolmaydi. CRM tamoyillarini xavfsizlik madaniyatiga chuqur joriy etish orqali aviakompaniya uchuvchilar ish samaradorligini oshiradi, o‘sish strategiyasini qo‘llab-quvvatlaydi hamda Yevropa Aviatsiya Xavfsizligi Agentligining (EASA) barqaror CRM amaliyotlarini joriy etishni talab qiluvchi sertifikatini olish jarayonini jadallashtiradi.Eldar Hamdeyev, LLC My Freighter / Centrum Air parvoz ishlarini tashkil etish boʻyicha bosh direktor oʻrinbosari, shunday taʼkidladi:«Bunday fundamental yondashuv Centrum Air’ni novator — mintaqada mustaqil ravishda CRM-treninglar oʻtkazish imkoniyatiga ega yagona aviakompaniya sifatida namoyon etish imkonini beradi. Yoʻriqchilar malakasini oshirish, uchuvchilar kompetensiyalarini rivojlantirish va tashqi provayderlarga bogʻliqlikni kamaytirish aviakompaniyaning xavfsizlik madaniyatini yanada mustahkamlashga xizmat qiladi».Ushbu bosqich, shuningdek, ikki tashkilot oʻrtasidagi rivojlanib borayotgan hamkorlikni mustahkamlaydi. Centrum Air uchuvchilari allaqachon Acron Aviation’ning Londondagi oʻquv markazida Type Rating boʻyicha tahsil olmoqdalar, Acron Aviation esa CRM standartlari ustidan nazoratni davom ettirayotganini hisobga olsa, ushbu hamkorlik har ikki kompaniya uchun uzoq muddatli qiymatni shakllantiradi.

2 Aprel, 2026Hamkorlar

Samolardagi bir yil: Centrum Air Sheremetyevoga parvozlarning bir yilligini nishonlamoqda

31-mart kuni Centrum Air aviakompaniyasi yo‘nalishlar tarmog‘ining asosiy nuqtalaridan biri bo‘lgan Toshkent – Moskva (Sheremetyevo) yo‘nalishi bo‘yicha parvozlar amalga oshirilishining bir yilligini nishonlamoqda.Parvozlar yo‘lga qo‘yilgan vaqtdan boshlab ushbu reys shunchaki muntazam aviayo‘nalish emas, balki O‘zbekiston va Rossiya o‘rtasidagi shaharlar, oilalar va ishbilarmonlik aloqalarini bog‘lovchi mustahkam havo ko‘priziga ham aylandi.Faoliyatning birinchi yili davomida aviakompaniya Sheremetyevoga 296 ta reys va 296 ta ortga qaytish parvozini amalga oshirib, parvozlar barqarorligi va muntazamligini ta’minladi. Yo‘nalish bo‘yicha umumiy yo‘lovchi oqimi har ikki tomonga 106 780 kishini tashkil etdi, osmondagi umumiy vaqt esa 2 678 soatga yetdi. Mazkur yo‘nalish yil davomida yuqori talabni saqlab qolib, ikki davlat o‘rtasidagi shaxsiy va xizmat safarlari uchun muhimligini tasdiqladi.Yil davomida yo‘lovchilarga xizmat ko‘rsatish darajasini yaxshilashga alohida e’tibor qaratildi. Yo‘nalishda Sheremetyevo aeroportida onlayn ro‘yxatdan o‘tish joriy etildi, qo‘shimcha bagaj sotib olish imkoniyatlari kengaytirildi, uy hayvonlarini tashish imkoniyati yaratildi, shuningdek, ustuvor ro‘yxatdan o‘tish (priority check-in) xizmati yo‘lga qo‘yildi. Mazkur shart-sharoitlar Sheremetyevo aeroporti xizmatlari bilan samarali hamkorlik natijasida yaratildi va aviakompaniya bu qo‘llab-quvvatlov uchun minnatdorchilik bildiradi.Bundan tashqari, bortdagi servis ham kengaytirildi. Yo‘lovchilar uchun chipta sotib olish jarayonida maxsus taomlarni tanlash (9 xil turdagi) imkoniyati yaratildi, shuningdek, parvoz vaqtida film ko‘rish, yangiliklar va jurnallar o‘qish, gazak va ichimliklar xarid qilish imkonini beruvchi tizim joriy etildi.Birinchi yil yakunlariga ko‘ra, mazkur yo‘nalish barqaror yo‘lovchi oqimini namoyon etib, Centrum Air xalqaro tarmog‘ining muhim qismiga aylandi.Aviakompaniya xizmat ko‘rsatish sifati, reyslar muntazamligi va yo‘lovchilar uchun imkoniyatlarni kengaytirishga ustuvor ahamiyat bergan holda yo‘nalishni yanada rivojlantirishda davom etmoqda.

31 Mart, 2026Yo'nalish