Kompaniya
Qo'llab-quvvatlash
. UZS
. UZS
Centrum Air aviakompaniyasi havo floti kengayganini e’lon qiladi: 2026-yil 14-may kuni Toshkentga o‘n oltinchi bort – UK32077 ro‘yxat raqamiga ega Airbus A320-214 yetib keldi.
Airbus A320 – o‘rta masofali yo‘nalishlarda o‘zini oqlagan, dunyodagi eng ishonchli va keng foydalaniladigan tor fyuzelyajli laynerlardan biridir. Havo kemasi 186 yo‘lovchi o‘rniga mo‘ljallangan boʻlib, bortda yuqori darajadagi qulaylik ta’minlangan.
Yangi bort aviakompaniyaning operatsion imkoniyatlarini kuchaytiradi hmda Yaqin Sharq va MDH davlatlarining asosiy yo‘nalishlariga jalb etiladi.
Aviakompaniyaning ezgu an’anasiga ko‘ra, samolyotga o‘zbek madaniyati va tarixining yirik namoyandasi nomi berildi. Mazkur bort buyuk shoir, mutafakkir, davlat arbobi va ma’rifatparvar Alisher Navoiy nomi bilan ataldi. XV asrda yashab o‘tgan ushbu zotning merosi bugungi kunda ham o‘zbek o‘zligi va millatning ma’naviy buyukligi ramzi bo‘lib qolmoqda. A. Navoiy o‘zbek adabiyoti asoslarini yaratgan bo‘lib, bugungi kunda ham dunyodagi millionlab insonlar qalbidan chuqur joy olgan.
«Flotning kengayishi – aviakompaniya o‘sishining poydevoridir. Bu yangi yo‘nalishlar, marshrutlar tarmog‘ini kengaytirish va yo‘lovchilarimiz uchun aviaqatnovlar ochiqligini oshirish demakdir. Samolyotlarga O‘zbekistonning buyuk shaxslari nomini berish orqali esa nafaqat flotni shakllantiramiz, balki global aviatsiyada mamlakatimizning ramziy ishtirokini ham ta’minlaymiz», — dedi Centrum Air asoschisi va bosh direktori Abdulaziz Abdurahmonov.
Flotning to‘ldirilishi Centrum Air kompaniyasining parvozlar geografiyasini kengaytirish va aviatsiyadan foydalanish imkoniyatlarini yaxshilash borasidagi izchil strategiyasini aks ettiradi.
Bugungi kunda Centrum Air flotida to‘rtta nomli bort mavjud: Amir Temur (UK32070), Abdulla Qodiriy (UK67022), Beruniy (UK67009) va endilikda Alisher Navoiy (UK32077).
Xalqaro bolalarni himoya qilish kuni munosabati bilan Centrum Air aviakompaniya xodimlarining farzandlari uchun o‘z eshiklarini ochdi. Ushbu kun jajji mehmonlar va ularning ota-onalari uchun haqiqiy bayramga aylandi.Bolajonlar uchun maxsus dastur tayyorlandi, aviakompaniya bosh direktori va asoschisi Abdulaziz Abdurahmonov esa bolalarni shaxsan tabriklab, ularga sovg‘alar topshirdi. Tadbir samimiy va do‘stona muhitda o‘tib, bolajonlarga olam-olam quvonch va unutilmas taassurotlar ulashdi.Ularning ko‘pchiligi uchun bu erda bo‘lish, ota-onalarining ish joyini ko‘rish hamda ularning har kungi faoliyati bilan yaqindan tanishish uchun birinchi imkoniyat bo‘ldi.Xodimlar va ularning oilalarini qo‘llab-quvvatlash Centrum Air korporativ madaniyatining muhim qismidir. Kompaniya nafaqat professional yutuqlar, balki oilaviy qadriyatlar ham yuksak qadrlanadigan qulay va mehmondo‘st muhit yaratishga intiladi.Centrum Air barcha bolajonlarni va ota-onalarni Xalqaro bolalarni himoya qilish kuni bilan tabriklab, ularga baxtli bolalik, yorqin taassurotlar va eng ezgu tilaklar ro‘yobini tilab qoladi.
1 Iyun, 2026
Centrum Air aviakompaniya yo‘nalishlar tarmog‘idagi barcha aeroportlarda yo‘lovchilar uchun amal qiladigan yangi Priority xizmati ishga tushirilganini e’lon qiladi. Ushbu xizmat parvozoldi jarayonlariga ketadigan vaqtni sezilarli darajada qisqartirish va sayohat boshlanishini maksimal darajada qulay qilish imkonini beradi.Xizmatdan foydalangan yo‘lovchilar uchta asosiy afzallikka ega bo‘ladilar:Alohida ro‘yxatdan o‘tish peshtaxtasi — umumiy navbatlarsizBagajlarni ustuvor topshirish — tez va kutishlarsizHavo kemasiga birinchilardan bo‘lib chiqish — qo‘l yukini bo‘sh javonlarga qulay joylashtirish imkoniyatiXizmatni faollashtirish uchun ro‘yxatdan o‘tish hududidagi Priority peshtaxtasiga yaqinlashish, xizmat haqini to‘lash va o‘tish taloniga Priority stikerini olish lozim. Samolyotga chiqishda ushbu stikerni aviakompaniya xodimiga ko‘rsatish kifoya.Toshkent aeroportida to‘lov ro‘yxatdan o‘tish hududida joylashgan Centrum Air aviakassasida amalga oshiriladi.Priority xizmati bir yo‘lovchi uchun parvozga kamida 24 soat qolganda to‘langanda 144 000 so‘m ($12) etib belgilangan. Kechroq to‘lov qilinganda xizmat qiymati 20% ga oshadi.Priority xizmati ayniqsa yo‘lovchi oqimi ko‘p bo‘lgan Dubay, Moskva, Frankfurt, Toshkent, Tbilisi kabi aeroportlarda juda qulaydir. Bundan tashqari, xizmat Centrum Air yo‘nalishlar tarmog‘idagi barcha boshqa aeroportlarda ham mavjud. Muayyan aeroportda xizmat ko‘rsatish tafsilotlarini aviakompaniyaning ro‘yxatdan o‘tish peshtaxtasidagi vakilidan aniqlashtirish mumkin.
23 May, 2026
2026-yil 12-may kuni Guanchjouda Centrum Air aviakompaniyasining Xitoy turizm sohasi vakillari bilan professional uchrashuvi – Airline Product Briefing Seminar boʻlib oʻtdi. Tadbir besh yulduzli Jianguo mehmonxonasida aviakompaniyaning mintaqadagi hamkori – Oriental Sky Aviation koʻmagida tashkil etildi.Seminarda turizm biznesining 120 dan ortiq vakillari: turoperatorlar, chipta sotish boʻyicha onlayn platformalar hamda korporativ trevel-menejerlar (TMC) jam boʻldi. Ishtirokchilarning aksariyati Guanchjoudan boʻlishiga qaramay, tadbirga boʻlgan qiziqish Guandun provinsiyasi doirasidan chiqib ketdi – uchrashuvga Pekin, Chansha va Xitoyning boshqa shaharlaridan ham agentlar tashrif buyurdi.Seminar davomida ishtirokchilarga aviakompaniya mahsuloti haqida batafsil maʼlumot berildi: • Centrum Air yoʻnalishlar tarmogʻi va floti • Biznes-klass va bortdagi xizmat koʻrsatish standartlari • Toshkent va Oʻzbekistonning turistik salohiyati • Amaldagi parvozlar jadvali va tariflar tuzilmasi • Band qilish tizimi va guruhli buyurtmalar siyosati • OSA API orqali integratsiyaSeminar Xitoy bozorida Oʻzbekistonga boʻlgan turistik qiziqish barqaror ekanini yana bir bor tasdiqladi. Pekindan Chanshagacha boʻlgan hududlardan ishtirokchilarning kelishi Centrum Air aviakompaniyasining Xitoydagi salohiyatli yoʻlovchilari auditoriyasi faqat bitta mintaqa bilan cheklanib qolmasligidan dalolat beradi.
20 May, 2026
+998 55 518 88 88Bog'lanish
© 2026. ООО "My Freighter",
Centrum Air™ — Barcha huquqlar himoyalangan