Joylar • 27 Iyun, 2025
Siz – Vladivostok markazidasiz
Vladivostok – bu ko‘priklar tuman ichiga kirib ketadigan, chag‘alaylar kema gudoklariga jo‘r bo‘ladigan, ufqlar esa yo‘lga chorlaydigan dunyo chekkasidir. Bu yerda Osiyo va Yevropa to‘lqinlar va shamollar chorrahasida uchrashadi, har bir kun esa dengiz shabadasi va sarguzashtlar va’dalari bilan boshlanadi. Shahar uzoqqa va biroz ichkariga qarashga tayyor bo‘lganlar uchun ochiladi.
Nimalar qilsa boʻladi?
Vladivostokda TOP mashgʻulotlar:
1. Shahar ramzlari – Oltin shox (Zolotoy Rog) ko‘rfazi ustidan o‘tgan Oltin ko‘prik va Rus ko‘prigini suratga olish.
2. “Orlinoye gnezdo” yoki Burachka tepaliklaridagi kuzatuv maydonchalaridan shahar va ko‘priklarning go‘zal manzarasini tomosha qilish.
3. Korabelnaya sohili bo‘ylab sayr qilish, dengiz yodgorliklari majmuasini ko‘zdan kechirish va sayrni Sesarevich sohilbo‘yida davom ettirish.
4. Vladivostok ko‘rfazlari bo‘ylab sayohat kemasi, sapbord yoki hatto syorfda suzish.
5. S-56 suv osti kemasi bortiga chiqish, «Pallada» yoki «Nadejda» fregatlari bo‘ylab ekskursiyada ishtirok etish.
6. «Vladivostok Arbati» – Admiral Fokin ko‘chasi yoki bar va restoranlarga boy Svetlanskaya ko‘chasi bo‘ylab sayr qilish.
7. Rossiyadagi birinchi Chinatown – “Millionka” mahallasining o‘ziga xos muhitini his qilish.
8. Tokarevskiy mayog‘i yaqinidagi plyajlardan birida hordiq chiqarish.
9. Rossiya Fanlar akademiyasining Uzoq Sharq bo‘limi botanika bog‘ida o‘simliklar olamiga sho‘ng‘ish.
10. Arsenyev nomidagi muzeyda Uzoq Sharq tarixini o‘rganish.
11. Primorskiy davlat suratlar galereyasida rassomlar asarlaridan bahra olish.
12. Mariinskiy teatrining Primorskiy sahnasida spektakl tomosha qilish.
13. Vladivostok sirkida bolalik xotiralarini yodga olish.
Vladivostokdan tashqaridagi TOP mashgʻulotlar:
14. Rus oroli va Tobizin burni tabiatidan zavqlanish.
15. Dunyo bo‘yicha to‘rtinchi eng katta okeanarium – Primorskiy okeanariumiga borish.
16. Vladivostok atrofidagi orollar, ko‘rfazlar va burunlar bo‘ylab dengiz ekskursiyasiga chiqish.
17. Shamora (Lazurnaya ko‘rfazi) – Vladivostokning eng mashhur plyaji (28 km) va Steklyannaya ko‘rfazidagi plyajda dam olish.
18. Safari-parkda jonivorlarni tabiiy sharoitda, to‘siqlarsiz tomosha qilish.
19. Tabiiy muhitda tyulenlar, dengiz sherlari va hattoki kitlarni kuzatish.
20. Eng chiroyli mayoqlar fotosuratlarini “ovlash”.
Bilasizmi? Vladivostok Sochi bilan bir xil kenglikda joylashgan, shuning uchun bu yerda ham moviy suvli qumli plyajlarda dam olish mumkin. Vladivostokda dunyodagi eng uzun vantli ko‘prik – Rus ko‘prigi joylashgan. Vladivostokni ko‘pincha Istanbul, San-Fransisko, Mayami va Neapolga qiyoslashadi. Nimalarni tatib ko‘rish kerak? - Dengiz mahsulotlari – ayniqsa dengiz taroqchalari (grebeshok); - "Chifanka" – shinam xitoy tamaddixonalari taomlari; - Yapon oshxonasi delikateslari; - «Podolskiy kirpich» noni; - Uzoq Sharq yovvoyi o‘simliklaridan tayyorlangan ne’matlar. Nimalar olib kelish mumkin? - Ikra va krablar; - Dengiz tuzi qo‘shilgan shokolad; - Uzoq Sharq kedr yong‘og‘i; - Koreys va yapon kosmetikasi; - Telnyashka (an’anaviy yo‘l-yo‘l dengizchi maykasi).
